Eksodus 29:38 - An Bibel Kernewek 20234 (Kernewek Kemmyn)

³⁸ Lemmyn hemm yw an pyth a offrynnydh war an alter: dew oen unn bloedh, dydh ha dydh heb hedhi.

Eksodus 29:38 ပူးပေါင်းရင်းမြစ်များ

Jenesis 22:7

Hag Ysak a gewsis orth Abraham y das ha leverel, ‘Ow thas!’ Hag ev a leveris, ‘Ottavy, ow mab.’ Hag yn-medh ev, ‘Otta an tan ha'n keunys, mes ple'ma'n oen rag an offrynn leskys?’

1 Kroniklys 16:40

dhe offra offrynnow leskys dhe'n Arloedh war an alter a offrynn leskys heb hedhi myttin ha gorthugher, war-lergh pup-tra yw skrifys yn lagha an Arloedh a erghis ev dhe Ysrael.

2 Kroniklys 13:11

I a lesk dhe'n Arloedh pub myttin ha pub gorthugher offrynnow leskys hag ynkys hweg, hag araya bara an wolok war an voes lan, hag i a enow an lugern war an kantolbrenn a owr pub gorthugher. Yndella ni a with charj an Arloedh agan Duw, mes hwi re'n gasas.

2 Kroniklys 2:3

Solomon a dhannvonas ger dhe Hiram myghtern Tyr: ‘Ty a dhannvonas prenn keder dhe Davydh ow thas dhe dhrehevel chi ragdho dhe driga ynno.

2 Kroniklys 2:4

Yth esov ow trehevel chi rag hanow an Arloedh ow Duw, ha'y sakra dhodho rag leski ynkys sawrek a-ragdho, ha rag offrynna bara an wolok heb hedhi, ha rag offrynnow leskys, myttin ha gorthugher, y'n sabotys ha'n loeryow nowydh ha rag goelyow apoyntys an Arloedh agan Duw; hemm yw dever bys vykken rag Ysrael.

2 Kroniklys 29:7

Ha moy es henna i a dhegeas darasow an portal ha difeudhi golow an lugern; ny offrynnsons ynkys, na ny wrussons offrynnow leskys y'n tyller sans dhe Dhuw Ysrael.

2 Kroniklys 31:3

An myghtern a ros a'y bythow y honan rag an offrynnow leskys, offrynnow leskys an myttin ha'n gorthugher, ha'n offrynnow leskys rag an sabotys, an loeryow nowydh ha'n goelyow apoyntys, dell yw skrifys yn lagha an Arloedh.

2 Kroniklys 8:13

dell o dever pub dydh herwydh gorhemmynn Moyses rag an sabotys, an loeryow nowydh, ha'n tri goel blydhenyek – goel an bara heb goell, goel an seythunyow, ha goel an skovvaow.

Ezra 3:3

I a settyas an alter war hy selyow, rag yth esa own dhedha a boblow an broyow na; hag i a offrynnas offrynnow leskys warnedhi dhe'n Arloedh, offrynnow leskys an myttin ha'n gorthugher.

Ezra 3:5

Hag a-wosa, i a offrynnas an offrynnow leskys pub-dydhyek erell, a'n loeryow nowydh, hag a oll goelyow apoyntys an Arloedh, hag offrynnow a bubonan neb a wrug offrynn bolonjedhek dhe'n Arloedh.

Eksodus 40:29

Hag ev a settyas alter an offrynn leskys dhe dharas tabernakel tylda an kuntelles, hag offrynna warnedhi an offrynn leskys ha'n offrynn greun; dell worhemmynnsa an Arloedh dhe Moyses.

Ezekiel 46:13

Ty a brovi oen a unn bloedh heb namm rag offrynn leskys dhe'n Arloedh pub dydh; pub myttin ty a'n provi.

Ezekiel 46:15

I a brovi an oen ha'n offrynn greun ha'n oyl pub myttin, rag offrynn leskys pub-dydhyek.

Daniel 12:11

A-dhia'n prys may fydh kemmerys dhe-ves an offrynn pub-dydhyek, bys yn devedhyans pyth kasadow an difeythter, y fydh dewdhek kans deg dydh ha peswar-ugens.

Daniel 9:21

pan esen ow leverel ow fysadow, an gour Gabriel, neb re welsen kyns y'n welesigeth, a dheuth dhymm ow nija uskis orth prys offrynn an gorthugher.

Daniel 9:27

Ha fastya ambos a wra ev gans lies der unn seythun; mes yn kres an seythun na y hwra ev dhe sakrifis hag offrynn hedhi; hag y'n tempel y fydh pyth kasadow an difeythter bys may fo an diwedh ordenys diverys war an distruer.’

Levitikus 3:5

Ha mebyon Aron a's lesk war an alter war an sakrifis leskys usi war an prenn usi war an tan. Offrynn dre dan yw, sawer plegadow dhe'n Arloedh.

Levitikus 6:9

Gwra erghi dhe Aron ha'y vebyon ow leverel: Hemm yw lagha an offrynn leskys. An offrynn leskys a vydh war an oeles, war an alter, dres an nos bys y'n myttin, ha tan an alter a bes ow leski ynni.

Levitikus 9:17

Hag ev a dhros an offrynn greun, ha kemmeres dornas anodho, ha'y leski war an alter, ryb offrynn leskys an myttin.

Niverow 29:6

ryb offrynn leskys an loer nowydh, ha'y offrynn greun, ha'n offrynn leskys pub-dydhyek, ha'y offrynn greun, ha'ga offrynnow diwes, herwydh an ordenans ragdha, sawer plegadow, offrynn dre dan dhe'n Arloedh.

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Ebrowyon 7:27

Ny'n jevo edhomm, avel an arghoferysi na, a offrynna sakrifis pub-dydh, kynsa rag y beghosow ev hag ena rag peghosow an bobel; ev a wrug hemma unnweyth pan omoffrynnas y honan.

1 Peder 1:19

mes gans goes drudh Krist kepar hag oen heb defowt ha heb namm.