Eksodus 29:37 - An Bibel Kernewek 20234 (Kernewek Kemmyn)

³⁷ Seyth dydh ty a wra prenedh rag an alter, ha'y sakra, ha'n alter a vydh an moyha sans; pynag a docchyo an alter a dheu ha bos sans.

Eksodus 29:37 ပူးပေါင်းရင်းမြစ်များ

2 Kroniklys 7:9

Y'n nawves dydh i a ordenas kuntelles solem; rag i re solempnyas sakrans an alter seyth dydh ha'n goel seyth dydh.

Eksodus 40:10

Ynwedh ty a wra untya alter an offrynnow leskys ha'y daffar oll, ha sakra an alter; ha'n alter a vydh an moyha sans.

Ezekiel 43:20

Ha ty a gemmer rann a'y woes ha'y worra war an peswar karn anedhi, ha war beder kornell an min, ha war an amal a-derdro; yndella ty a's glanha ha gul prenedh rygdhi.

Ezekiel 43:25

Seyth dydh ty a dhre bogh rag offrynn pegh pub dydh; ynwedh tarow ha hordh dhiworth an flokk, heb namm.

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Levitikus 16:16

Hag ev a wra dehwelyans rag an tyller sans drefenn avlander mebyon Ysrael ha drefenn aga threuspassow, aga feghosow oll; hag yndella y hwra ev rag tylda an kuntelles a bes yntredha yn mysk aga avlander.

Levitikus 6:11

Ena ev a dhiwisk y dhillas ha gwiska dillas arall ha doen an lusu yn-mes a'n kamp bys yn tyller glan.

Levitikus 8:11

Hag ev a skoellyas rann anodho war an alter seythgweyth hag untya an alter hag oll an lestri anodho, ha'n wolghell ha'y sel, dh'aga sanshe.

Haggay 2:12

Mar teg den kig sakrys yn pleg y dhillas ha'n pleg a doch bara, po kowl, po gwin, po oyl, po neb boes arall, a vydh an dra na sakrys?’ Ha'n oferysi a worthybis, ‘Na vydh.’

Matthew 23:17

Fellyon dhall, pyneyl ytho yw an moyha, an owr po an tempel a wra dhe'n owr bos sakrys?

Matthew 23:19

Tus dhall, pyneyl ytho yw an moyha, an offrynn po an alter a wra dhe'n offrynn bos sakrys?