Eksodus 29:27 - An Bibel Kernewek 20234 (Kernewek Kemmyn)

²⁷ Ha ty a wra sakra bronn an offrynn gwevys, ha mordhos an offrynn drehevys hag a veu gwevys, hag a veu drehevys dhiworth hordh an urdhyans, dhiworth an rann esa dhe Aron, ha dhiworth an rann esa dh'y vebyon.

Eksodus 29:27 ပူးပေါင်းရင်းမြစ်များ

Eksodus 29:26

Ha ty a gemmer bronn an hordh a urdhyans Aron ha'y gwevya avel offrynn gwevys a-rag an Arloedh; hag y fydh dha rann.

Eksodus 29:28

Y fydh rag Aron ha'y vebyon avel ordenans bys vykken dhiworth mebyon Ysrael, rag yth yw offrynn, hag y fydh offrynn gans mebyon Ysrael dhiworth sakrifisow aga offrynnow kres, offrynn dhe'n Arloedh.

Levitikus 10:15

I a dhre mordhos an offrynn drehevys ha'n vronn wevys gans an offrynnow a vlonek gwrys dre dan, dhe wevya rag offrynn gwevys dherag an Arloedh, hag y fydh dhiso jy ha dhe'th vebyon genes avel ordenans bys vykken, dell erghis an Arloedh.

Levitikus 7:30

Ev a dhre gans y dhiwdhorn y honan an offrynnow dre dan a'n Arloedh; ev a dhre an blonek gans an vronn, dhe wevya an vronn avel offrynn gwevys dherag an Arloedh.

Levitikus 7:37

Hemm yw lagha an offrynn leskys, an offrynn greun, an offrynn pegh, an offrynn kammweyth, ha'n offrynn urdhyans ha sakrifis an offrynnow kres.

Levitikus 9:21

Hag Aron a wevyas an bronnow ha'n vordhos dhyghow rag offrynn gwevys dherag an Arloedh, dell erghis Moyses.

Niverow 18:11

Hemm yw dhis ynwedh, offrynn drehevys a'ga ro, oll an offrynnow gwevys a vebyon Ysrael; my re's ros dhis, ha dhe'th vebyon ha dhe'th vyrghes genes, avel ordenans bys vykken; pub huni yw glan y'th chi a yll dybri anodho.

Niverow 6:20

Ha'n oferyas a wra aga gwevya rag offrynn gwevys a-rag an Arloedh; i yw rann sans dhe'n oferyas, war-barth gans an vronn a vydh gwevys ha'n vordhos a vydh drehevys; ha wosa henna an naziryas a yll eva gwin.

Dewteronomi 18:3

Hemma a vydh dever dhe'n oferysi dhiworth an bobel, dhiworth an re a sakrifi sakrifis, kyn fo ojyon po oen: an riyas a re dhe'n oferyas an skoedh, an dhiwvogh, ha'n agenn.

Ebrowyon 7:28

Rag an lagha a orden tus yn aga gwannder avel arghoferysi, mes ger an ti, hag a dheuth diwettha ages an lagha, a apoynt Mab re beu gwrys perfydh bys vykken.

1 Samuel 9:24

Ha'n keginer a dhrehevis an vordhos gans pup-tra esa warnedhi, ha'y gorra a-dherag Sowl. Ha Samuel a leveris, ‘Awotta, an pyth o gwithys yw settys a-dheragos. Deber; rag bys y'n termyn ma hi re beu gwithys ragos, a-ban leveris vy, “My re elwis an bobel.” ’ Ha Sowl a dhybris gans Samuel y'n jydh na.