Eksodus 29:26 - An Bibel Kernewek 20234 (Kernewek Kemmyn)

²⁶ Ha ty a gemmer bronn an hordh a urdhyans Aron ha'y gwevya avel offrynn gwevys a-rag an Arloedh; hag y fydh dha rann.

Eksodus 29:26 ပူးပေါင်းရင်းမြစ်များ

Salmow 99:6

Moyses hag Aron yn mysk y oferysi, ha Samuel yn mysk an re a elow war y hanow. I a elwis war an Arloedh hag ev a worthybis dhedha.

Eksodus 29:27

Ha ty a wra sakra bronn an offrynn gwevys, ha mordhos an offrynn drehevys hag a veu gwevys, hag a veu drehevys dhiworth hordh an urdhyans, dhiworth an rann esa dhe Aron, ha dhiworth an rann esa dh'y vebyon.

Levitikus 14:12

Ha'n oferyas a gemmer onan a'n eyn gorow ha'y offrynna rag offrynn kammweyth, ha'n log a oyl, ha'ga gwevya rag offrynn gwevys dherag an Arloedh.

Levitikus 7:30

Ev a dhre gans y dhiwdhorn y honan an offrynnow dre dan a'n Arloedh; ev a dhre an blonek gans an vronn, dhe wevya an vronn avel offrynn gwevys dherag an Arloedh.

Levitikus 7:31

An oferyas a lesk an blonek war an alter, mes an vronn a vydh dhe Aron ha'y vebyon.

Levitikus 7:34

Rag my re gemmeras bronn an offrynn gwevys ha mordhos an offrynn drehevys dhiworth mebyon Ysrael, dhiworth sakrifisow aga offrynnow kres ha'ga ri dhe Aron an oferyas ha'y vebyon der ordenans bys vykken dhiworth mebyon Ysrael.

Levitikus 8:29

Ha Moyses a gemmeras an vronn ha'y gwevya avel offrynn gwevys dherag an Arloedh. Rann Moyses ova a hordh an urdhyans, dell erghis an Arloedh dhe Moyses.

Levitikus 9:21

Hag Aron a wevyas an bronnow ha'n vordhos dhyghow rag offrynn gwevys dherag an Arloedh, dell erghis Moyses.