Eksodus 29:25 - An Bibel Kernewek 20234 (Kernewek Kemmyn)

²⁵ Ena ty a wra aga hemmeres dhiworth aga leuv, ha'ga leski war an alter war an offrynn leskys, avel sawer plegadow a-rag an Arloedh; yth yw offrynn dre dan dhe'n Arloedh.

Eksodus 29:25 ပူးပေါင်းရင်းမြစ်များ

Jenesis 8:20

Ha Noy a dhrehevis alter dhe'n Arloedh ha kemmeres rann a'n bestes glan ha'n ydhyn glan hag offrynna offrynnow leskys war an alter.

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

Salmow 99:6

Moyses hag Aron yn mysk y oferysi, ha Samuel yn mysk an re a elow war y hanow. I a elwis war an Arloedh hag ev a worthybis dhedha.

Eksodus 29:18

ha leski an hordh dien war an alter; yth yw offrynn leskys dhe'n Arloedh; yth yw sawer plegadow, offrynn dre dan dhe'n Arloedh.

Eksodus 29:24

ha ty a worr oll an re ma yn diwla Aron hag yn diwla y vebyon, ha'ga gwevya avel offrynn gwevys a-rag an Arloedh.

Eksodus 29:41

Ha'n eyl oen ty a offrynn y'n gorthugher, hag offrynna ganso offrynn greun hag offrynn sans, avel myttinweyth, avel sawer plegadow, offrynn dre dan dhe'n Arloedh.

Levitikus 1:13

Mes ev a wolgh an pottys ha'n garrow gans dowr; ha'n oferyas a dhre oll anodho ha'y leski war an alter. Sakrifis leskys yw, offrynn dre dan, sawer plegadow dhe'n Arloedh.

Levitikus 1:9

Mes y bottys ha'y arrow ev a's golgh yn dowr; ha'n oferyas a lesk pup-tra oll war an alter avel offrynn leskys, offrynn dre dan, sawer plegadow dhe'n Arloedh.

Levitikus 10:13

Ha hwi a'n deber yn tyller sans rag yth yw dha rann ha rann dha vebyon a'n sakrifisow dre dan dhe'n Arloedh, rag yndella erghys yw dhymmo.

Levitikus 2:11

Ny vydh offrynn vyth a wre'ta dri dhe'n Arloedh gwrys gans goell; rag ny wrewgh leski goell na mel vyth yn offrynn dre dan dhe'n Arloedh.

Levitikus 2:16

Ha'n oferyas a lesk rann govadh a'y vrunyon hag a'y oyl gans oll y frankynkys; offrynn dre dan dhe'n Arloedh.

Levitikus 2:2

Hag ev a'n dre dhe vebyon Aron, an oferysi, hag ev a gemmer dornas a'y vleus fin ha'y oyl gans oll y frankynkys, ha'n oferyas a lesk rann govadh anodho war an alter, offrynn dre dan, sawer plegadow dhe'n Arloedh.

Levitikus 2:9

Ha'n oferyas a gemmer rann govadh an offrynn greun ha'y leski war an alter, offrynn dre dan, sawer plegadow dhe'n Arloedh.

Levitikus 3:11

Ha'n oferyas a's lesk war an alter avel boes, offrynn dre dan dhe'n Arloedh.

Levitikus 3:14

Hag yn-mes a'n offrynn ma ev a dhre offrynn gwrys dre dan dhe'n Arloedh, an blonek a worher an pottys hag oll an blonek usi war an pottys.

Levitikus 3:16

Ha'n oferyas a's lesk war an alter avel boes, offrynn dre dan avel sawer plegadow. Oll an blonek a vydh rag an Arloedh.

Levitikus 3:3

Hag yn-mes a sakrifis an offrynn kres ev a dhre offrynn dre dan dhe'n Arloedh; an blonek a worher an pottys hag oll an blonek usi war an pottys.

Levitikus 3:5

Ha mebyon Aron a's lesk war an alter war an sakrifis leskys usi war an prenn usi war an tan. Offrynn dre dan yw, sawer plegadow dhe'n Arloedh.

Levitikus 3:9

Hag yn-mes a sakrifis an offrynn kres ev a dhre offrynn gwrys dre dan dhe'n Arloedh; y vlonek, an lost blonegek kowal kemmerys dhe-ves ogas dhe askorn an keyn, ha'n blonek a worher an pottys hag oll an blonek usi war an pottys.

Levitikus 7:25

Rag piwpynag a dheppro blonek best a veu offrynnys dre dan dhe'n Arloedh – neb a'n dheppro a vydh treghys dhe-ves dhiworth y bobel.

Levitikus 7:5

Ha'n oferyas a's lesk war an alter, offrynn dre dan dhe'n Arloedh. Offrynn kammweyth yw.

Levitikus 8:28

Ha Moyses a's kemmeras dhiworth aga diwleuv ha'ga leski war an alter war an offrynn leskys. Offrynn urdhyans veu, sawer plegadow, offrynn dre dan dhe'n Arloedh.

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

1 Samuel 2:28

My a'n dewisas mes a oll loethow Ysrael dhe vos ow oferyas, dhe vones yn-bann dhe'm alter, dhe leski ynkys, dhe wiska efod a-dheragov; ha my a ros dhe ji dha das oll an offrynnow gwrys gans tan gans tus Ysrael.