Eksodus 29:22 - An Bibel Kernewek 20234 (Kernewek Kemmyn)

²² Ty a gemmer ynwedh blonek an hordh, ha'n lost blonegek, ha'n blonek a worher an pottys, ha stagell an avi, ha'n dhiw loneth ha'n blonek usi warnedha, ha'n vordhos dhyghow (rag yth yw hordh an urdhyans),

Eksodus 29:22 ပူးပေါင်းရင်းမြစ်များ

Eksodus 29:13

Ha ty a gemmer oll an blonek a worher an pottys, ha stagell an avi, ha'n dhiw loneth ha'n blonek eus warnedha, ha'ga leski war an alter.

Eksodus 29:21

Ena ty a gemmer neppyth a'n goes usi war an alter, hag a oyl an untyans, ha'ga skoellya war Aron ha war y wiskasow, ha war y vebyon ha war wiskasow y vebyon ganso; hag ev ha'y wiskasow a vydh sans, ha'y vebyon ha gwiskasow y vebyon ganso.

Eksodus 29:23

hag unn torth-vara, hag unn desenn a vara gans oyl, hag unn desenn danow, yn-mes a'n ganstell a vara heb goell hag usi a-rag an Arloedh;

Levitikus 10:14

Ha hwi a dheber an vronn wevys ha mordhos an offrynn drehevys yn tyller glan, ty ha'th vebyon ha'th vyrghes genes, rag yth yns i dha rann jy ha rann dha vebyon, res dhiworth sakrifisow offrynnow kres mebyon Ysrael.

Levitikus 14:12

Ha'n oferyas a gemmer onan a'n eyn gorow ha'y offrynna rag offrynn kammweyth, ha'n log a oyl, ha'ga gwevya rag offrynn gwevys dherag an Arloedh.

Levitikus 3:9

Hag yn-mes a sakrifis an offrynn kres ev a dhre offrynn gwrys dre dan dhe'n Arloedh; y vlonek, an lost blonegek kowal kemmerys dhe-ves ogas dhe askorn an keyn, ha'n blonek a worher an pottys hag oll an blonek usi war an pottys.

Levitikus 7:3

Hag ev a offrynn oll an blonek anodho, an lost blonegek ha'n blonek a worher an pottys.

Levitikus 7:37

Hemm yw lagha an offrynn leskys, an offrynn greun, an offrynn pegh, an offrynn kammweyth, ha'n offrynn urdhyans ha sakrifis an offrynnow kres.

Levitikus 9:19

ha blonek an ojyon ha'n hordh, – an lost blonegek, ha'n pyth a worher an pottys, ha'n dhiwloneth ha stagell an avi.

Levitikus 9:21

Hag Aron a wevyas an bronnow ha'n vordhos dhyghow rag offrynn gwevys dherag an Arloedh, dell erghis Moyses.

Niverow 18:18

mes aga hig a vydh dhis; kepar dell yw dhis an vronn yw gwevys ha'n vordhos dhyghow.

1 Samuel 9:24

Ha'n keginer a dhrehevis an vordhos gans pup-tra esa warnedhi, ha'y gorra a-dherag Sowl. Ha Samuel a leveris, ‘Awotta, an pyth o gwithys yw settys a-dheragos. Deber; rag bys y'n termyn ma hi re beu gwithys ragos, a-ban leveris vy, “My re elwis an bobel.” ’ Ha Sowl a dhybris gans Samuel y'n jydh na.