Eksodus 29:20 - An Bibel Kernewek 20234 (Kernewek Kemmyn)

²⁰ ha ty a ladh an hordh, ha kemmeres rann a'y woes ha'y worra war vin skovarn dhyghow Aron ha war vin skovornow dyghow y vebyon, ha war veus aga dorn dhyghow, ha war vys bras aga throes dyghow, ha skoellya goes war an alter a-derdro.

Eksodus 29:20 ပူးပေါင်းရင်းမြစ်များ

Eksodus 29:19

Ty a gemmer an hordh arall; hag Aron ha'y vebyon a wra gorra aga diwleuv war benn an hordh,

Eksodus 29:21

Ena ty a gemmer neppyth a'n goes usi war an alter, hag a oyl an untyans, ha'ga skoellya war Aron ha war y wiskasow, ha war y vebyon ha war wiskasow y vebyon ganso; hag ev ha'y wiskasow a vydh sans, ha'y vebyon ha gwiskasow y vebyon ganso.

Ysay 50:5

An Arloedh Duw re igoras ow skovarn, ha nyns en vy gorth, ny dreylis war-dhelergh.

Ysay 52:15

yndella marth a's tevydh lies kenedhel; myghternedh a dhege aga ganow a'y wovis, rag an pyth na via leverys dhedha, henna i a wel, ha'n pyth na glewsons, henna i a breder.

Levitikus 14:14

Ha'n oferyas a gemmer rann a woes an offrynn kammweyth, ha'n oferyas a'n gorr war vin skovarn dhyghow neb a dal bos glanhes, ha war veus y leuv dhyghow, ha war veus y droes dyghow.

Levitikus 14:16

ha'n oferyas a drogh y vys dyghow y'n oyl usi yn y balv gledh ha skoellya rann a'n oyl gans y vys seythgweyth dherag an Arloedh.

Levitikus 14:17

Ha'n oferyas a worr rann a remenant an oyl usi yn y balv war vin skovarn dhyghow neb a dal bos glanhes, ha war veus y leuv dhyghow, ha war veus y droes dyghow, war woes an offrynn kammweyth.

Levitikus 14:25

Hag ev a ladh oen an offrynn kammweyth, ha'n oferyas a gemmer rann a woes an offrynn kammweyth ha'y worra war vin skovarn dhyghow neb a dal bos glanhes, ha war veus y leuv dhyghow, ha war veus y droes dyghow.

Levitikus 14:28

ha'n oferyas a worr rann a'n oyl usi yn y balv war vin skovarn dhyghow neb a dal bos glanhes, ha war veus y leuv dhyghow, ha war veus y droes dyghow, y'n tyller may feu gorrys goes an offrynn kammweyth;

Levitikus 14:7

Hag ev a'n skoell seythgweyth war neb a dal bos glanhes ha desta y vos glan, ha delivra an edhen vew dhe wari y'n gwel igor.

Levitikus 16:19

Hag ev a skoell rann an goes warnodho seythgweyth gans y vys, ha'y lanhe ha'y sanshe dhiworth avlander mebyon Ysrael.

Levitikus 8:23

Hag ev a'n ladhas, ha Moyses a gemmeras rann a'n goes ha'y worra war vin skovarn dhyghow Aron ha war veus y leuv dhyghow ha war veus y droes dyghow.

Levitikus 8:24

Hag ev a dhros mebyon Aron, ha Moyses a worras rann a'n goes war vin aga skovarn dhyghow ha war veus aga leuv dhyghow ha war veus aga throes dyghow, ha Moyses a skoellyas an goes war an alter a-dro.

Mark 7:33

Hag ev a'n kemmeras a-denewen yn-mes a'n routh, hag a worras y vysies yn y dhiwskovarn, hag a drewas, ha tochya y daves;

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

1 Peder 1:2

dewisys war-lergh ragwodhvos Duw an T as, yn sansheans an Spyrys, dhe wostytter ha skoellyans goes Yesu Krist: Gras ha kres re bo palshes dhywgh hwi.