Eksodus 29:14 - An Bibel Kernewek 20234 (Kernewek Kemmyn)

¹⁴ Mes kig an lodhen, ha'y groghen, ha'y deyl, ty a gowllesk a-ves a'n kamp; offrynn pegh yw.

Eksodus 29:14 ပူးပေါင်းရင်းမြစ်များ

Levitikus 4:21

Hag ev a gemmer an lodhen yn-mes a'n kamp ha'y leski dell loskas an kynsa tarow. Offrynn pegh yw rag an gemmynieth.

Ezra 8:35

Ena mebyon an divroedh, o devedhys mes a'n gethneth, a offrynnas offrynnow leskys dhe Dhuw Ysrael, dewdhek lodhen rag oll Ysrael, hwetek hordh ha peswar-ugens, seytek oen ha tri-ugens, ha dewdhek bogh avel offrynn pegh: oll an re ma o offrynn leskys dhe'n Arloedh.

2 Kroniklys 29:24

An oferysi a's ladhas hag a wrug offrynn gans aga goes war an alter, rag gul dehwelyans a-barth oll Ysrael. Rag an myghtern a worhemmynnis may hwreller an offrynn leskys ha'n offrynn pegh a-barth oll Ysrael.

Eksodus 30:10

Aron a wra prenedh war hy hern unnweyth y'n vlydhen; gans goes offrynn pegh an prenedh ev a wra prenedh ragdho unnweyth y'n vlydhen der agas henedhow; yth yw an moyha sans dhe'n Arloedh.

Niverow 7:16

unn bogh rag offrynn pegh;

Levitikus 16:27

Ha lodhen an offrynn pegh, ha bogh an offrynn pegh may feu aga goes dres a-bervedh dhe wul dehwelyans y'n tyller sans, a vydh degys yn-mes a'n kamp, hag i a gowllesk aga kreghyn gans aga hig ha'ga hawgh.

Levitikus 16:11

Hag Aron a dhre an lodhen rag an offrynn pegh yw ragdho ev, ha gul dehwelyans ragdho ev ha rag y ji ha ladha an lodhen rag an offrynn pegh yw ragdho ev

Levitikus 16:3

Mes yndella y teu Aron a-ji dhe'n tyller sans: gans tarow yowynk rag offrynn pegh ha hordh rag offrynn leskys.

Levitikus 9:2

Hag ev a leveris dhe Aron, ‘Kemmer leugh yowynk rag offrynn pegh ha hordh rag offrynn leskys, heb namm aga dew, ha'ga offrynna dherag an Arloedh.

Levitikus 8:17

Mes ev a gowlloskas an lodhen, y gneus ha'y gig ha'y gawgh, yn-mes a'n kamp, dell erghis an Arloedh dhe Moyses.

Levitikus 6:25

Kows orth Aron ha'y vebyon ow leverel: Hemm yw lagha an offrynn pegh. Y'n tyller mayth yw ledhys an offrynn leskys, y fydh an offrynn pegh ledhys dherag an Arloedh. An moyha sans yw.

Levitikus 5:8

Hag ev a's dre dhe'n oferyas, neb a offrynn yn kynsa an offrynn pegh; ha wrestya dhe-ves hy fenn dhiworth hy honna, heb y ranna yn tien.

Levitikus 5:6

Hag ev a dhre y offrynn kammweyth dhe'n Arloedh rag an pegh re wrug, davas venow a'n flokk, oen po mynn a'n gever rag offrynn pegh ha'n oferyas a wra dehwelyans ragdho rag y begh.

Levitikus 4:32

Ha mar tre oen avel offrynn pegh, ev a dhre onan benow heb namm.

Levitikus 4:29

Hag ev a worr y leuv war benn an offrynn pegh ha ladha an offrynn pegh yn tyller an offrynn leskys

Levitikus 4:25

Ha'n oferyas a gemmer rann a woes an offrynn pegh gans y vys ha'y worra war gern alter an offrynn leskys ha dinewi y woes war woeles alter an offrynn leskys.

Levitikus 4:3

mars yw an oferyas untys neb a begh, yndella ow kul an bobel dhe vos kablus, dres ev dhe'n Arloedh rag y begh re beghas tarow yowynk heb namm, rag offrynn pegh.

Niverow 19:5

Ha'n lejek a vydh leskys yn y wolok; hy kroghen, hy hig, ha'y goes, gans hy theyl, a vydh leskys;

Ezekiel 43:21

Ha ty a gemmer tarow an offrynn pegh, hag y fydh leskys y'n tyller apoyntys y'n tempel a-ves dhe'n sentri.

Malaki 2:3

Awotta my a wra keredhi an has a'gas govis; my a wra lesa kawgh war agas fasow, kawgh agas dy'goelyow, ha hwi a vydh kemmerys dhe-ves ganso.