Eksodus 29:13 - An Bibel Kernewek 20234 (Kernewek Kemmyn)

¹³ Ha ty a gemmer oll an blonek a worher an pottys, ha stagell an avi, ha'n dhiw loneth ha'n blonek eus warnedha, ha'ga leski war an alter.

Eksodus 29:13 ပူးပေါင်းရင်းမြစ်များ

Salmow 22:14

Skoellys ov vy avel dowr, ha'm eskern oll yw diskevelsys, ow holonn yw kepar ha koer; teudhys yw yn mysk ow holodhyon.

Eksodus 12:9

Na dhybrewgh rann anodho kriv po bryjys yn dowr, mes rostys, y benn ha'y arrow ha'y bottys.

Eksodus 29:18

ha leski an hordh dien war an alter; yth yw offrynn leskys dhe'n Arloedh; yth yw sawer plegadow, offrynn dre dan dhe'n Arloedh.

Eksodus 29:22

Ty a gemmer ynwedh blonek an hordh, ha'n lost blonegek, ha'n blonek a worher an pottys, ha stagell an avi, ha'n dhiw loneth ha'n blonek usi warnedha, ha'n vordhos dhyghow (rag yth yw hordh an urdhyans),

Eksodus 29:25

Ena ty a wra aga hemmeres dhiworth aga leuv, ha'ga leski war an alter war an offrynn leskys, avel sawer plegadow a-rag an Arloedh; yth yw offrynn dre dan dhe'n Arloedh.

Ysay 1:11

Pandra yw dhymm sakrifisow pals? yn-medh an Arloedh. Gwalghys ov a offrynnow leskys a hordhes ha blonek lodhnow peskys. Nyns eus dhymm delit yn goes terewi, nag eyn gorow, na gever.

Ysay 34:6

Yma dhe'n Arloedh kledha; lenwys yw a woes, gwalghys yw a vlonek, a woes eyn ha gever, a vlonek diwloneth hordhes; drefenn bos sakrifis dhe'n Arloedh yn Bosra ha ladhva vras yn pow Edom.

Ysay 43:24

Ny brensys dhymm kalamus gans arghans, ha ny resys dhymm gwalgh a vlonek a'th sakrifisow, mes ty re'm beghyas gans dha beghosow; ty re'm skwithas gans dha dhrogoberow.

Levitikus 1:15

Ha'n oferyas a'n dre dhe'n alter ha wrestya dhe-ves y benn ha'y leski war an alter; ha'y woes a vydh gweskys yn-mes orth tenewen an alter.

Levitikus 1:9

Mes y bottys ha'y arrow ev a's golgh yn dowr; ha'n oferyas a lesk pup-tra oll war an alter avel offrynn leskys, offrynn dre dan, sawer plegadow dhe'n Arloedh.

Levitikus 16:25

Hag ev a lesk blonek an offrynn pegh war an alter.

Levitikus 17:6

Ha'n oferyas a skoell an goes war alter an Arloedh, orth daras tylda an kuntelles, ha leski an blonek dhe wul sawer plegadow dhe'n Arloedh.

Levitikus 4:26

Hag ev a lesk oll y vlonek war an alter kepar ha blonek sakrifis an offrynnow kres, ha'n oferyas a wra dehwelyans ragdho rag y begh, ha gevys vydh dhodho.

Levitikus 4:31

Hag ev a gemmer dhe-ves oll y vlonek, dell yw an blonek kemmerys dhe-ves dhiworth sakrifis an offrynnow kres, ha'n oferyas a'n lesk war an alter, sawer plegadow dhe'n Arloedh, ha'n oferyas a wra dehwelyans ragdho, ha gevys vydh dhodho.

Levitikus 4:35

Hag ev a gemmer dhe-ves oll an blonek dell yw kemmerys blonek an oen dhiworth sakrifis an offrynnow kres, ha'n oferyas a'n lesk war an alter, gans an offrynnow gwrys dre dan dhe'n Arloedh; ha'n oferyas a wra dehwelyans rag y begh re wrug ev, hag y fydh gevys dhodho.

Levitikus 6:12

Ha'n tan war an alter a bes ow leski warnodho; ny vydh difeudhys. An oferyas a lesk prenn warnodho pub myttin hag araya an offrynn leskys warnodho, hag ev a lesk warnodho blonek an offrynnow kres.

Levitikus 7:3

Hag ev a offrynn oll an blonek anodho, an lost blonegek ha'n blonek a worher an pottys.

Levitikus 7:31

An oferyas a lesk an blonek war an alter, mes an vronn a vydh dhe Aron ha'y vebyon.

Levitikus 7:4

Ha'n dhiwloneth ha'n blonek usi warnedha ogas dhe'n tenwennow, ha stagell an avi gans an dhiwloneth, ev a's kemmer dhe-ves.

Levitikus 8:16

Hag ev a gemmeras an blonek esa war an pottys ha stagell an avi ha'n dhiwloneth ha'ga blonek ha Moyses a's loskas war an alter.

Levitikus 8:25

Hag ev a gemmeras an blonek ha'n lost blonegek, hag oll an blonek war an pottys, ha stagell an avi ha'n dhiwloneth ha'ga blonek ha'n vordhos dhyghow.

Levitikus 9:10

Mes ev a loskas an blonek ha'n dhiwloneth ha stagell avi an offrynn pegh war an alter, dell erghis an Arloedh dhe Moyses.

Levitikus 9:19

ha blonek an ojyon ha'n hordh, – an lost blonegek, ha'n pyth a worher an pottys, ha'n dhiwloneth ha stagell an avi.

Niverow 18:17

Mes kynsa-genys ojyon, po kynsa-genys davas, po kynsa-genys gaver, ny dhasprenydh; sans yns. Ty a skoell aga goes war an alter, ha leski aga blonek avel offrynn dre dan, sawer plegadow dhe'n Arloedh;

1 Samuel 2:16

Ha mar leveri an gour dhodho, ‘Gas i dhe leski an blonek kynsa, hag ena kemmer kekemmys a vynnydh’, ev a worthybi, ‘Nansi, mes ro e dhymm lemmyn, poken my a'n kemmer gans fors.’