Eksodus 28:42 - An Bibel Kernewek 20234 (Kernewek Kemmyn)

⁴² Ha ty a wra dhedha lavrek a lien dhe gudha aga noethedh; a'n glun dhe'n vordhos y hwra ystynn;

Eksodus 28:42 ပူးပေါင်းရင်းမြစ်များ

Ezekiel 44:18

Y fydh tulyfantys a lien war aga fenn, ha lavrek a lien war aga dhiwglun; ny omwrogysons gans travyth a wra dhedha hwysa.

Levitikus 16:4

Ev a wisk an bows sans a lien ha'n lavrek a lien war y gorf, ha kelmi grogys a lien a-dro dhodho, ha gwiska tulyfant a lien a-dro dh'y benn; an re ma yw dillas sans. Ev a wolgh y gorf yn dowr hag ena aga gwiska.

Levitikus 6:10

Ha'n oferyas a wisk y dhillas a lien ha'y lavrek a lien war y gig ha kemmeres yn-bann lusu an offrynn leskys a veu konsumys gans tan war an alter, hag ev a's gorr ryb an alter.

Diskwedhyans 3:18

My a'th kusul a brena owr prevys y'n tan dhiworthiv may fi rych, ha dillas gwynn may fi gwiskys ha na omdhiskwettho an meth a'th noethedh, ha prena eli rag ura dha dhewlagas may hylli gweles.

Eksodus 39:28

ha'n tulyfant a sendal, ha'n bondow-penn a sendal, ha'n lavrek a lien, a sendal plethys,

Eksodus 20:26

Ha ny yskynnydh dre radhow dhe'm alter, ma na vo diskudhys dha noethedh warnedha.’

Ezekiel 44:17

Pan dhons dre yetys an klos a-bervedh, i a vydh gwiskys yn dillas a lien; ny dheu gwlan warnedha hag i ow menystra orth yetys an klos a-bervedh, po a-ji dhe'm tempel.

Levitikus 6:3

po mar kavas neppyth o kellys ha leverel gow yn y gever ha ti yn fals a-dro dhe onan a'n taklow gwrys gans den, ha pegha yndellma: