Eksodus 28:38 - An Bibel Kernewek 20234 (Kernewek Kemmyn)

³⁸ War dal Aron y fydh, hag Aron a wra omgemmeres kabel pynag a dheffo a'n offrynn sans sakrys gans mebyon Ysrael avel aga rohow sans; y fydh pup-prys war y dal may fons degemmerys a-rag an Arloedh.

Eksodus 28:38 ပူးပေါင်းရင်းမြစ်များ

Eksodus 28:37

Ha ty a wra y fastya war an tulyfant dre snod glas; y fydh war fas an tulyfant.

Eksodus 28:43

Hag i a vydh war Aron ha war y vebyon pan ons a-ji dhe dylda an kuntelles, po pan dhons ogas dhe'n alter dhe venystra y'n tyller sans; ma na dhokkons kabel warnedha aga honan ha merwel. Hemma a vydh ordenans bys vykken ragdho ev ha'y dhiyskynnysi war y lergh.

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Ysay 56:7

my a wra aga dri dhe'm menydh sans, ha'ga lowenhe y'm chi a bysadow. Aga offrynnow leskys ha'ga sakrifisow a vydh kemmeradow war ow alter, rag ow chi a vydh gelwys chi a bysadow rag oll an poblow.

Ysay 60:7

Oll flokkys Kedar a vydh kuntellys dhis, hordhes Nebayoth a'th serv; i a dheu yn-bann dhe'm alter avel sakrifis kemmeradow, ha my a dekha chi ow glori.

Levitikus 1:4

Ev a worr y leuv war benn an sakrifis leskys, ha kemmeradow vydh ragdho, dhe wul dehwelyans ragdho.

Levitikus 10:17

‘Prag na wrussowgh hwi dybri an offrynn pegh y'n tyller sans? rag yth yw an moyha sans, res dhywgh dhe berthi kammweyth an kuntelles ha gul dehwelyans ragdha dherag an Arloedh.

Levitikus 22:16

na'ga gasa dhe berthi kammweyth kammwrians pan dhebrons aga thaklow sans, rag an Arloedh ov vy, neb a wra aga sanshe.

Levitikus 22:27

Pan yw ojyon po oen po gaver dineythys, y fydh seyth dydh yn-dann y vamm, hag a-dhia'n ethves dydh ev a vydh kemmeradow rag offrynn dre dan dhe'n Arloedh.

Levitikus 22:9

Ytho, i a syns ow charj, na borthons pegh warnodho ha merwel dredho drefenn i dh'y dhefola. An Arloedh ov vy, neb a wra aga sanshe.

Levitikus 23:11

hag ev a wev an vanal dherag an Arloedh, may fowgh kemmeradow. An oferyas a'n gwev an myttin wosa an sabot.

Niverow 18:1

Ytho an Arloedh a leveris dhe Aron: Ty ha'th vebyon ha chi dha das genes a wra doen kammweyth an sentri; ha ty ha'th vebyon genes a wra doen kammweyth agas oferyaseth.

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Efesianys 1:6

dhe wormel splannder y ras a wrontyas dhyn y'n Karadow;

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;