Eksodus 28:36 - An Bibel Kernewek 20234 (Kernewek Kemmyn)

³⁶ Ha ty a wra medalenn a owr pur, ha gravya warnedhi, avel gravyans sel, ‘Sans dhe'n Arloedh.’

Eksodus 28:36 ပူးပေါင်းရင်းမြစ်များ

1 Kroniklys 23:13

Mebyon Amram: Aron ha Moyses. Aron a veu diberthys gans y vebyon bys vykken dhe sakra an taklow moyha sans, dhe leski offrynnow a-rag an Arloedh, dhe venystra dhodho ha dhe leverel bennathow yn y hanow bys vykken.

Salmow 93:5

Dha dhustuniow, A Arloedh, yw fest sur; sansoleth a dhelledh dhe'th chi, A Arloedh, bynitha.

Eksodus 19:6

ha hwi a vydh dhymm gwlaskor a oferysi ha kenedhel sans. An re ma yw an geryow hag a wredh kewsel dhe vebyon Ysrael.’

Eksodus 28:11

Par dell wra joweler gravya men, avel gravyans sel, yndella ty a wra gravya an dhew ven gans henwyn mebyon Ysrael; ty a wra aga gorra yn settyansow a blethweyth owr.

Eksodus 28:35

Hag y fydh war Aron pan wra ev menystra, ha'y son a vydh klewys pan a dhe'n tyller sans a-dherag an Arloedh, ha pan dheu yn-mes, ma na varwo.

Eksodus 28:37

Ha ty a wra y fastya war an tulyfant dre snod glas; y fydh war fas an tulyfant.

Eksodus 28:9

Ha ty a gemmer dew ven onyks ha gravya warnedha henwyn mebyon Ysrael,

Eksodus 29:6

ha ty a sett an tulyfant war y benn, ha gorra an gurun sans war an tulyfant.

Eksodus 39:27

Ynwedh i a wrug an mantelli, gwiys yn sendal, rag Aron ha'y vebyon,

Eksodus 39:30

Hag i a wrug plat an gurun sans a owr pur, ha skrifa warnodho skrif, avel gravyans sel, ‘Sans dhe'n Arloedh.’

Eksodus 39:31

Hag i a golmas dhodho snod glas, dh'y fastya war an tulyfant war-vann; dell worhemmynnsa an Arloedh dhe Moyses.

Ysay 23:18

Hy gwayn ha'y gober a vydh sans dhe'n Arloedh; ny vydh kuntellys na gwithys, mes hy gwayn a vydh rag an re a drig a-rag an Arloedh, rag lanwes boes ha dillas splann.

Ezekiel 43:12

Hemm yw lagha an tempel. War dopp an menydh, y diredh oll a-dro a vydh an moyha sans. Hemm yw lagha an tempel.

Levitikus 10:3

Ena yn-medh Moyses dhe Aron, ‘Hemm yw an pyth a gewsis an Arloedh anodho, ow leverel, “My a vydh sanshes der an re a dheu nes dhymm, ha my a vydh glorifiys dherag oll an bobel.” ’ Hag Aron a dewis.

Levitikus 19:2

Kows orth kuntelles kowal mebyon Ysrael, ha leverel dhedha, Bedhewgh sans, rag sans ov vy, an Arloedh agas Duw.

Levitikus 8:9

Hag ev a worras an tulyfant war y benn ha war an tulyfant war y dal ev a worras an vedalenn owrek, an gurun sans, dell erghis an Arloedh dhe Moyses.

Zekaria 14:20

Y'n jydh na ‘Sansoleth dhe'n Arloedh’ a vydh war glegh an vergh, ha'n pottow yn chi an Arloedh a vydh avel an bollow a-rag an alter.

Ebrowyon 12:14

Hwilewgh kres gans an dus oll ha'n sansoleth, ma na wra denvyth gweles an Arloedh hebdhi.

Ebrowyon 7:26

Rag gwiw o bos dhyn arghoferyas a'n par na, sans, divlam, andhefolys, diberthys a'n beghadoryon, ughelhes a-ugh an nevow.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

Diskwedhyans 21:27

Ha ny wra entra ynni travyth y'n bys a vo avlan, na neb a wra tra gasadow, po gowleverel, marnas seul yw skrifys yn lyver bewnans an Oen.