Eksodus 28:30 - An Bibel Kernewek 20234 (Kernewek Kemmyn)

³⁰ Hag y'n lurik a vreus ty a wra gorra an Urim ha'n Thummim, hag i a vydh war golonn Aron, pan a a-ji a-rag an Arloedh; yndellma Aron a wra doen breus mebyon Ysrael war y golonn a-rag an Arloedh heb hedhi.

Eksodus 28:30 ပူးပေါင်းရင်းမြစ်များ

Ezra 2:63

Ha'n governour a leveris dhedha, na dhepprens a'n taklow an moyha sans, bys pan ve oferyas gans Urim ha gans Thummim.

Nehemia 7:65

An governour a leveris dhedha, na dhegoedh dhedha dybri a'n taklow moyha sans bys pan saffa yn-bann oferyas gans Urim ha Thummim.

Eksodus 28:29

Yndellma Aron a wra doen henwyn mebyon Ysrael y'n lurik a vreus war y golonn pan a dhe'n tyller sans dhe dhri kov heb hedhi a-dherag an Arloedh.

Levitikus 8:8

Hag ev a worras an lurik warnodho ha gorra ynno an Urim ha'n Thummim.

Zekaria 6:13

Ev a wra drehevel tempel an Arloedh, hag ev a dheg an meuredh hag esedha ha governa war y se. Ev a vydh oferyas war y se, hag y fydh kusul kres ynter an dhew.

Niverow 27:21

Hag ev a wra sevel a-rag Eleazar an oferyas, neb a wra govynn ragdho herwydh breus Urim a-rag an Arloedh; orth y er i a wra mos yn-mes, hag orth y er i a wra dos a-ji, hag ev ha mebyon Ysrael oll ganso, an kuntelles oll.’

2 Korinthianys 12:15

Ytho, fest yn lowen y hwrav vy spena ha bos spenys a-barth agas enevow. Mara'gas karav dhe voy, a vydhav vy kerys dhe le?

2 Korinthianys 7:3

Ny lavarav hemma rag agas dampnya; seulabrys my re leveris agas bos yn agan kolonnow, dhe verwel war-barth ha dhe vewa war-barth.

Dewteronomi 33:8

Rag Levi, y leveris: Bedhes dha Thummim ha'th Urim gans dha wour sans, neb a brevsys orth Massa, ha neb a strivsys ganso orth dowrow Meriba;

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.

Ebrowyon 4:15

Rag ny'gan beus arghoferyas na yll keskodhevel gans agan gwannder, mes onan neb re beu temptys avelon yn pub tremmynn, heb pegha hogen.

Ebrowyon 9:12

ev a entras, unnweyth rag oll, dhe'n tyller sans le na gemmeras goes gever na leughi, mes y woes y honan, yndellma ow kavoes daspren bys vykken.

Ebrowyon 9:24

Rag nyns yw a-ji dhe sentri gwrys gans leuv, tokyn an gwir sentri, mayth entras Krist, mes a-ji dhe nev y honan, lemmyn dhe omdhiskwedhes ragon a-rag fas Duw.

Breusysi 1:1

Wosa mernans Yoshua, mebyon Ysrael a wovynnas orth an Arloedh ow leverel, ‘Piw a yn-bann ragon erbynn an Kananysi yn kynsa, dhe omladh er aga fynn?’

Breusysi 20:18

An Ysraelysi a dhallathas mos yn-bann dhe Bethel, may hwovynnsons a Dhuw, ‘Piw ahanan a yn-bann yn kynsa rag batalyas orth an Benyaminysi?’ Ha'n Arloedh a worthybis, ‘Yuda a yn-bann yn kynsa.’

Breusysi 20:23

An Ysraelysi eth yn-bann hag a oelas a-rag an Arloedh bys y'n gorthugher; hag a wovynnas a'n Arloedh, ‘A dheun nes arta dhe vatalyas orth agan breder an Benyaminysi?’ Ha'n Arloedh a leveris, ‘Kewgh yn-bann er aga fynn.’

1 Samuel 28:6

Ha pan wovynnas Sowl orth an Arloedh, ny worthybis an Arloedh dhodho, na der hunrosow, na der Urim, na dre brofoesi.