Eksodus 25:23 - An Bibel Kernewek 20234 (Kernewek Kemmyn)

²³ Ha ty a wra moes a brenn shittim; dew gevelin a vydh hy hys, kevelin hy les, ha kevelin ha hanter hy ughelder.

Eksodus 25:23 ပူးပေါင်းရင်းမြစ်များ

1 Myghternedh 7:48

Solomon a wrug oll an lestri esa yn chi an Arloedh; an alter a owr, an voes a owr rag bara an wolok,

1 Myghternedh 7:49

an golowbrennyer a owr pur, pymp dhe'n dyghow ha pymp dhe'n kledh, a-rag an sentri pervedhel; an bleujennow, an lugern, ha'n gevelyow, a owr;

1 Kroniklys 28:16

rag poes an owr rag pub moes rag bara an wolok, ha'n arghans rag an moesow a arghans;

2 Kroniklys 4:19

Yndella Solomon a wrug oll an daffar rag chi an Arloedh; an alter a owr, an moesow a owr rag bara an wolok,

2 Kroniklys 4:8

Ev a wrug ynwedh deg moes ha'ga gorra y'n tempel, pymp a-dhyghow ha pymp a-gledh. Hag ev a wrug kans bason a owr.

Eksodus 31:8

an voes ha'y daffar, ha'n kantoler pur gans y dhaffar oll, ha'n alter a ynkys,

Eksodus 35:13

an voes gans hy gwelynni ha'n toulow oll ha bara an wolok;

Ezekiel 41:22

alter a brenn, tri hevelin y ughelder, ha dew gevelin y hirder; y gernow, y sel ha'y denwennow o a brenn. Yn-medh ev dhymm, ‘Hemm yw an voes usi a-rag an Arloedh.’

Levitikus 24:6

Ha ty a's sett yn dew rew, hwegh anedha yn unn rew, war an voes a owr pur dherag an Arloedh.

Niverow 3:31

Ha'ga charj yw an argh, an voes, an kantoler, an alteryow, lestri an sentri dredha may fenystro an oferysi, ha'n groglenn, dh'y wonis oll.

Niverow 4:8

Ena i a wra lesa dresti pann kogh, ha kudha henna gans kudhans a greghyn morhoghes, ha settya hy gwelynni.

Ebrowyon 9:2

Rag tabernakel a veu pareusys, an onan war-ves, hag ynno an kantoler ha'n voes ha ragworrys torthow an wolok – hemm yw henwys an Sentri;