Eksodus 25:22 - An Bibel Kernewek 20234 (Kernewek Kemmyn)

²² Ena my a wra metya genes, hag a-ugh an dregeredhva, ynter an dhew jerub usi war argh an dustuni, my a gews genes a-dro dhe bup-tra a worhemmynnav dhis rag mebyon Ysrael.

Eksodus 25:22 ပူးပေါင်းရင်းမြစ်များ

Jenesis 18:33

Ha'n Arloedh eth yn-kerdh kettell wrussa astel kewsel dhe Abraham, hag Abraham eth arta dh'y dyller.

2 Samuel 6:2

Davydh a sevis, ha mos gans oll an bobel esa ganso dhiworth Baala yn Yuda, dhe dhri yn-bann alena argh Duw, yw henwys war-lergh hanow Arloedh an luyow neb a esedh war an cherubim.

2 Myghternedh 19:15

Ha Hezekia a bysis a-dherag an Arloedh, ow leverel, ‘A Arloedh. Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys; ty re wrug nev ha nor.

1 Kroniklys 13:6

Davydh hag oll Ysrael eth yn-bann dhe Baala, henn yw, dhe Kiryath-yearim yn tiredh Yuda, dhe dhri yn-bann alena argh Duw, yw henwys re hanow an Arloedh neb a esedh war an cherubim.

Salmow 80:1

Goslow, A vugel Ysrael, ty neb a hembronk Yosep avel flokk; omdhiskwa, ty neb a drig ynter an cherubim.

Salmow 80:2

A-dherag Efraym ha Benyamin ha Manasse, difun dha nerth, ha deus dh'agan selwel.

Salmow 90:1

A Arloedh, ty re beu agan skovva a unn henedh dhe'n nessa.

Salmow 99:1

An Arloedh yw Myghtern; krenes an poblow. Ev yw esedhys war an cherubim; krysyes an nor.

Eksodus 20:24

Alter a dhor ty a wra dhymm ha sakrifia warnedhi dha offrynnow leskys hag offrynnow kres, dha dheves ha'th oghen; yn pub le may hwrylliv ow hanow dhe vos kovhes, my a wra dos dhis ha'th venniga.

Eksodus 27:21

Yn tylda an kuntelles, a-ves dhe'n vayl usi a-rag an dustuni, Aron ha'y vebyon a wra y witha a'n gorthugher dhe'n myttin a-rag an Arloedh. Y fydh ordenans bys vykken dhe vebyon Ysrael der aga henedhow.

Eksodus 30:36

ha nebes anodho ty a val dhe bolter, ha gorra rann anodho a-rag an dustuni yn tylda an kuntelles le may hwrav metya genes; y fydh ragowgh an moyha sans.

Eksodus 30:6

Ha ty a wra aga gorra a-rag an vayl usi ryb argh an dustuni, a-rag an dregeredhva usi a-ugh an dustuni, le may hwrav metya genes.

Eksodus 31:18

Ha wosa gorfenna kewsel ganso war venydh Sinay, ev a ros dhe Moyses diw leghenn an dustuni, leghennow a ven, skrifys gans bys Duw.

Eksodus 31:6

Hag otta, my re'n untyas ganso Oholiab mab Ahisamak, a loeth Dan; ha my re ros sleyghneth dhe bub krefter konnyk may hwrellons pup-tra re erghis dhis:

Ysay 37:16

‘A Arloedh an luyow, Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys. Ty re wrug nev ha nor.

Ezekiel 43:6

My a glewas nebonan ow kewsel dhymm yn-mes a'n tempel, ha'n gour ow sevel rybov.

Levitikus 1:1

Ha'n Arloedh a elwis Moyses ha kewsel orto dhiworth tylda an kuntelles, ow leverel,

Levitikus 16:2

Hag yn-medh an Arloedh dhe Moyses, Lavar dhe Aron dha vroder na dheffo pub eur oll a-berth y'n tyller sans a-ji dhe'n vayl dherag an dregeredhva usi war an argh, ma na varwo, rag my a vynn omdhiskwedhes y'n gommolenn war an dregeredhva.

Niverow 17:4

Ena ty a's gorr yn tylda an kuntelles a-rag an dustuni, le may fetyav genes.

Niverow 7:89

Ha pan eth Moyses dhe dylda an kuntelles dhe gewsel gans an Arloedh, ev a glewas lev ow kewsel orto a-ugh an dregeredhva hag esa war argh an dustuni, yntra dew gerub; hag ev a gewsis orto.

Breusysi 20:27

Ha mebyon Ysrael a wovynnas orth an Arloedh (rag y fedha argh an kevambos ena y'n dydhyow na

1 Samuel 4:4

Ytho an bobel a dhannvonas dhe Shilo, rag may trens alena argh kevambos Arloedh an luyow neb a drig ynter an cherubim. Hag yth esa dew vab Eli, Hofni ha Finehas, ena gans argh kevambos an Arloedh.