Eksodus 23:31 - An Bibel Kernewek 20234 (Kernewek Kemmyn)

³¹ Ha my a wra settya dha oryon a'n Mor Rudh dhe vor an Filistysi, hag a'n gwylvos dhe'n Ewfrates; rag my a re annedhysi an tir yn agas dorn, ha ty a wra aga fesya a-ragos.

Eksodus 23:31 ပူးပေါင်းရင်းမြစ်များ

Jenesis 15:18

An keth jydh na an Arloedh a wrug kevambos gans Abram, ow leverel, ‘My re ros an tir ma dhe'th has, dhiworth avon Ejyp bys y'n avon vras, an avon Ewfrates,

1 Myghternedh 11:2

a genedhlow may leveris an Arloedh anedha dhe'n Ysraelysi, ‘Nyns ewgh yn priosoleth gansa, na nyns ons yn priosoleth genowgh; rag yn sertan i a dreyl dhe-ves agas kolonn dhe holya aga duwow’. Mes Solomon a lenas orth an re ma yn kerensa.

1 Myghternedh 20:13

Ena y teuth neb unn profoes dhe vyghtern Ahab a Ysrael ha leverel, ‘Yndellma y lever an Arloedh, A welsys oll an routh veur ma? Mir, my a's re y'th leuv hedhyw; ha ty a wodhvydh ow bos an Arloedh.’

1 Myghternedh 4:21

Yth esa Solomon ow rewlya war oll an gwlaskordhow dhiworth an avon Ewfrates bys pow an Filistysi, ha bys yn or Ejyp; i a dhros trubyt ha servya Solomon dydhyow oll y vewnans.

1 Myghternedh 4:24

Rag ev a'n jevo mestrynses war oll an ranndir a'n gorlewin dhe'n avon a Tifsagh bys yn Gaza, war oll an vyghternedh a'n gorlewin dhe'n avon; hag ev a'n jevo kres a bub tu.

1 Myghternedh 8:65

Ytho Solomon a withas an goel y'n prys na, hag Ysrael oll ganso, kuntelles meur, a Lebo-hamath bys yn nans Ejyp, a-rag an Arloedh, seyth dydh.

2 Kroniklys 9:26

Ev a reynyas war oll an vyghternedh dhiworth an avon Ewfrates bys pow an Filistysi, ha bys or Ejyp.

Salmow 72:8

Re'n jeffo maystri a vor dhe vor, ha dhiworth an avon bys yn pennow an norvys.

Niverow 21:34

Mes an Arloedh a leveris dhe Moyses, ‘Na borth own anodho; rag my re'n ros yn dha dhorn, hag oll y bobel, ha'y dir; ha ty a wra dhodho par dell wrussys dhe Sihon myghtern an Amorysi, esa trigys yn Heshbon.’

Niverow 34:2

Gorhemmynn dhe vebyon Ysrael, ha leverel dhedha: Pan dhewgh dhe bow Kanan (hemm yw an tir hag a goedh dhywgh avel eretons, pow Kanan gans y oryon),

Dewteronomi 1:7

Treylyewgh ha mos yn-kerdh ha dewgh dhe venydh an Amorysi, dhe oll aga hentrevogyon y'n Araba, y'n menydh hag y'n Shefela, hag y'n Negeb hag y'n arvor, tir an Kananysi, ha Lebanon, bys an avon veur, an avon Ewfrates.

Dewteronomi 1:8

Mir, my re settyas an tir a-ragowgh. Dewgh hag erita an tir a dos an Arloedh dh'agas tasow, dhe Abraham, dhe Ysak, ha dhe Yakob, dh'y ri dhedha ha dh'aga has war aga lergh.’

Dewteronomi 11:24

Pub le may trett agas godhen warnodho a vydh dhywgh: dhiworth an gwylvos ha Lebanon, dhiworth an avon, an avon Ewfrates, bys yn mor an howlsedhes, y fydh agas or.

Dewteronomi 2:33

an Arloedh agan Duw a'n ros a-ragon, hag y'n gwesksyn, ha'y vebyon, hag oll y bobel.

Dewteronomi 2:36

Dhiworth Aroer usi ryb amal nans Arnon, ha'n dre usi y'n nans, bys yn Gilead, nyns esa tre re grev ragon. An Arloedh agan Duw a ros pup-tra a-ragon.

Dewteronomi 20:16

Saw a drevow an poblow ma a wra an Arloedh dha Dhuw aga ri dhis avel eretons, ny esydh yn few travyth a anell,

Dewteronomi 3:2

Ha'n Arloedh a leveris dhymm, ‘Na borth own anodho, rag my a'n re y'th leuv, hag oll y bobel ha'y dir. Ty a wra dhodho kepar dell wrussys dhe Sihon myghtern an Amorysi, trigys yn Heshbon.’

Dewteronomi 6:19

dhe fesya oll dha eskerens a-ragos, kepar dell gewsis an Arloedh.

Dewteronomi 9:3

Godhvydh ytho hedhyw, yth yw an Arloedh dha Dhuw neb a dreus a-ragos avel tan ow tevorya. Ev a's distru hag ev a's uvelha a-ragos. Ty a gemmer aga eretons ha'ga distrui toeth da kepar dell gewsis dhis an Arloedh.

Yoshua 1:4

A'n gwylvos ha'n Lebanon ma bys y'n avon vras, an avon Ewfrates, oll tir an Hyttysi bys y'n mor bras y'n howlsedhes a vydh agas tiredh.

Yoshua 10:19

mes hwi, na wortewgh; chasyewgh war-lergh agas eskerens, hag omsettyewgh a-dhelergh dhedha. Na esewgh i dhe entra yn aga sitys, rag an Arloedh agas Duw re's ros yn agas leuv.’

Yoshua 10:8

An Arloedh a leveris dhe Yoshua, ‘Na borth own anedha, rag my re's ros y'th leuv; ny sev gour anedha a-dheragos.’

Yoshua 13:6

My a fes a-rag an Ysraelysi oll trigoryon an vro venydhyek a-dhiworth Lebanon bys Misrefoth-maym, hag oll an Sidonysi. Lemen gwra henna dhe goedha rag an Ysraelysi avel aga eretons, dell worhemmynnis dhis.

Yoshua 2:24

Yn-medhons dhe Yoshua, ‘Yn hwir an Arloedh re ros yn agan diwla oll an tir; hag oll annedhysi an tir re deudhis yn own a-dheragon.’

Yoshua 21:44

Ha'n Arloedh a ros dhedha powes oll a-derdro, war-lergh oll a dosa dh'aga thasow; ha nyns esa gour dhiworth oll aga eskerens a allas sevel er aga fynn; rag an Arloedh a ros oll aga eskerens yn aga leuv.

Yoshua 23:14

‘Lemmyn yth esov ow mos y'n jydh ma yn fordh oll an tir, ha hwi a woer yn oll agas kolonn ha'gas enev, na goedhas travyth a oll an traow da a ambosis an Arloedh agas Duw dhywgh. Pup-tra re hwarva ragowgh, ha ny fyllis unn ger anodho.

Yoshua 24:11

Ena hwi a dreusis an Yordan ha dos dhe Yeriko, ha tus Yeriko a omladhas er agas pynn, hag ynwedh an Amorysi, an Perizzysi, an Kananysi, an Hittysi, an Girgashysi, an Hivysi ha'n Yebusysi; ha my a's ros yn agas leuv.

Yoshua 24:12

My a dhannvonas an hwyrnores a-dheragowgh, dhe jasya yn-mes a-dheragowgh dew vyghtern an Amorysi; mes nyns o gans dha gledha jy na gans dha warak jy.

Yoshua 24:18

ha'n Arloedh a jasyas a-ragon oll an poblow, ha'n Amorysi esens trigys y'n tir. Rakhenna ni a serv an Arloedh, rag ev yw agan Duw.’

Yoshua 24:8

Ha my a'gas dros dhe bow an Amorysi, esens trigys a'n tu arall dhe'n Yordan; hag i a omladhas er agas pynn, ha my a's ros yn agas leuv, ha hwi a gemmeras aga thir yn perghennogeth, ha my a's distruis a-dheragowgh.

Yoshua 8:18

Ena an Arloedh a leveris dhe Yoshua, ‘Ystynn an guw usi y'th leuv war-tu hag Ay; rag my a's rov y'th leuv.’ Ha Yoshua a ystynnas an guw esa yn y dhorn war-tu ha'n sita.

Yoshua 8:7

Ena hwi a sev yn-bann dhiworth an kontrewaytyans ha kemmeres an sita; rag an Arloedh dha Dhuw a's re yn agas leuv.

Yoshua 9:7

Mes gwer Ysrael a leveris dhe'n Hivysi, ‘Martesen trigys esowgh ogas dhyn, ytho fatell yllyn gul kevambos genowgh?’

Breusysi 1:4

Ena yth eth Yuda war-vann ha'n Arloedh a ros an Kananysi ha'n Perizzysi yn aga leuv, ha'ga gweskel yn Bezek, deg mil wour.

Breusysi 11:21

Ena an Arloedh, Duw Ysrael, a ros Sihon hag oll y dus yn leuv Ysrael, hag i a's fethas; ytho Ysrael a eritas oll pow an Amorysi, esa trigys y'n tir na.

1 Samuel 23:4

Ena Davydh a wovynnas orth an Arloedh arta. Ha'n Arloedh a worthybis dhodho ha leverel, ‘Sav, Ke yn-nans dhe Keila; rag my a re an Filistysi a-berth y'th leuv.’