Eksodus 20:12 - An Bibel Kernewek 20234 (Kernewek Kemmyn)

¹² Enor dha das ha'th vamm, may fo hir dha dhydhyow y'n tir usi an Arloedh dha Dhuw orth y ri dhis.

Eksodus 20:12 ပူးပေါင်းရင်းမြစ်များ

Jenesis 48:12

Ha Yosep a's kemmeras dhiworth y dhewlin hag omblegya, gans y fas dhe'n leur.

Jenesis 50:12

Ytho y vebyon a wrug ragdho par dell wrussa erghi dhedha.

1 Myghternedh 2:19

Yth eth Bathsheba ytho dhe vyghtern Solomon, rag kewsel ganso a-barth Adoniya. Ha'n myghtern a sevis dh'y metya, hag a omblegyas orti; ena ev a esedhas war y dron, hag ordena kador dhe vos settys rag mamm an myghtern; ha hi a esedhas orth y leuv dhyghow.

2 Myghternedh 2:12

Elisha a welas henna hag ev a armas, ‘Ow thas! Ow thas! Charett Ysrael ha'y varghogyon’. Ha ny'n gwelas na fella. Ev a dhalghennas y dhillas y honan ha'ga skwardya yntra dew.

Eksodus 21:15

Piwpynag a wesko y das po y vamm a vydh gorrys dhe'n mernans.

Eksodus 21:17

Piwpynag a vollettho y das po y vamm a vydh gorrys dhe'n mernans.

Lavarow Koth 15:5

Den foll a skorn dyskybleth y das, mes neb a hwither keredh yw doeth.

Lavarow Koth 17:6

Fleghes wynn yw kurun an re goth, ha glori mebyon yw aga thasow.

Lavarow Koth 20:20

Neb a volleth y das po y vamm, y lugarn a vydh difeudhys yn tewlder down.

Lavarow Koth 28:24

Neb a lader a'y das po a'y vamm hag a lever, ‘Nyns yw henna kammweythres’, yw keskoweth dhe dhen a dhistru.

Lavarow Koth 3:16

Yma hirder dydhyow yn hy leuv dhyghow; yn hy leuv gledh yma golusogneth hag enor.

Lavarow Koth 30:11

Yma re hag a volleth aga thas ha na vennik aga mamm.

Lavarow Koth 30:17

An lagas hag a dhispres tas hag a skorn bos gostydh dhe vamm a vydh pigys yn-mes gans marghvrini an nans ha dybrys gans an eryon.

Yeremia 35:18

Mes dhe ji an Rekabysi Yeremia a leveris: Yndellma y lever Arloedh an luyow, Duw Ysrael: Drefenn hwi dhe vos gostydh dhe worhemmynn Yonadab agas tas, ha gwitha oll y worhemmynnow, ha gul pup-tra a worhemmynnis dhywgh,

Yeremia 35:7

na ny drehevowgh chi, na gonedha has; na ny blansowgh gwinlann, na'y fewa; mes hwi a vydh trigys yn tyldow oll agas dydhyow, may fewowgh lies dydh y'n tir may fydhowgh estrenyon.”

Ezekiel 22:7

Ynnos re beu tas ha mamm despitys; y'n kres ahanas i re arwaskas an alyon ha tebeldhyghtya an omdhivas ha gwedhwes.

Levitikus 19:3

Pubonan ahanowgh a wra revrons dh'y das ha'y vamm ha synsi ow sabotys. An Arloedh agas Duw ov vy.

Levitikus 19:32

Ty a sev dherag an blew loes, hag enora an den koth, ha kavoes own a dha Dhuw. An Arloedh ov vy.

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Matthew 19:19

Gwra enora dha das ha'th vamm, ha Kar dha gentrevek avelos ty dha honan.’

Mark 10:19

Ty a woer an gorhemmynnow, “Na wra avoutri, Na ladh, Na lader, Na dhog fals dhustuni, Na doell, Enor dha das ha'th vamm.” ’

Mark 7:10

Rag Moyses a leveris, “Enor dha das ha'th vamm”; ha, “Neb a villikko y das po y vamm, bedhes gorrys dhe'n mernans.”

Luk 18:20

Ty a woer an gorhemmynnow: “Na wra avoutri, Na ladh, Na lader, Na dhog kamm dustuni, Enor dha das ha'th vamm.” ’

Efesianys 5:21

Bedhewgh gostydh an eyl dh'y gila yn own Krist.

Dewteronomi 11:8

Gwithewgh oll an gorhemmynn esov ow korhemmynna dhis hedhyw rag may fewgh krev ha dos hag erita an tir esowgh ow treusi bys di dh'y erita,

Dewteronomi 11:9

rag may hirhahowgh agas dydhyow war an tir a dos an Arloedh dh'agas tasow y ri dhedha, ha dh'agas has, tir a dhinwa leth ha mel.

Dewteronomi 21:18

Mara'n jeffo gour mab gorth ha diwostydh, neb na woslow lev y das na lev y vamm, ha pan y'n kessydhyons ny woslow orta,

Dewteronomi 25:15

Poes kowal hag ewn y fydh dhis, hag efa kowal hag ewn y fydh dhis, may fo dha dhydhyow hir war an tir a wra an Arloedh dha Dhuw y ri dhis.

Dewteronomi 27:16

‘Mollothek yw ev neb a dhispres y das ha'y vamm.’ Ena oll an bobel a lever, ‘Amen.’

Dewteronomi 32:47

Rag nyns yw hemma tra drufel ragowgh, mes agas bewnans yw; ha der an dra ma hwi a hirha agas dydhyow war an tir mayth esowgh ow treusi an Yordan di dh'y erita.’

Dewteronomi 4:26

my a elow nev ha nor hedhyw dhe dhoen dustuni er agas pynn, hwi dhe vos dhe goll dhiworth an tir mayth esowgh ow treusi an Yordan di dh'y erita. Ny hirhowgh agas dydhyow warnodho, mes y fydhowgh distruys sur.

Dewteronomi 4:40

Ytho gwith y ordenansow ha'y worhemmynnow esov ow korhemmynna dhis hedhyw, may fo yn ta genes ha gans dha vebyon war dha lergh, mayth ystynni dha dhydhyow war an tir a wra an Arloedh dha Dhuw y ri dhis bys vykken.

Dewteronomi 5:16

Enor dha das ha dha vamm dell worhemmynnis an Arloedh dha Dhuw dhis, rag may fo dha dhydhyow hir, ha rag may fo yn ta dhis war an tir a wra an Arloedh dha Dhuw y ri dhis.

Dewteronomi 5:33

Kerdhewgh yn pub fordh a worhemmynnis an Arloedh agas Duw dhywgh, rag may fewowgh ha may fo yn ta dhywgh ha may fo agas dydhyow hir y'n tir a eritowgh.

Dewteronomi 6:2

rag may perthi own a'n Arloedh dha Dhuw, dhe witha oll y ordenansow ha'y worhemmynnow esov ow korhemmynna dhis oll dydhyow dha vewnans, ty, ha'th vab, ha mab dha vab, rag may fo hir dha dhydhyow.

Kolossianys 3:20

A fleghes, obayewgh dh'agas kerens yn pup-tra, rag hemm yw plegadow dhe'n Arloedh,

Ruth 3:6

Ytho hi eth yn-nans dhe'n leur-drushya ha gul pup-tra par dell wrussa hy hweger gorhemmynna dhedhi y wul.

1 Samuel 22:3

Davydh eth alena dhe Mispa a Moab. Ev a leveris dhe vyghtern Moab, ‘My a'th pys, gas ow thas ha'm mamm dhe dhos dhis, erna wodhviv pandr'a wra Duw ragov.’