Eksodus 18:11 - An Bibel Kernewek 20234 (Kernewek Kemmyn)

¹¹ Lemmyn my a woer bos an Arloedh brassa ages duwow oll, ow kul yndella erbynn seul a's dyghtyas yn howtyn.’

Eksodus 18:11 ပူးပေါင်းရင်းမြစ်များ

1 Myghternedh 17:24

Ytho an venyn a leveris dhe Elias, ‘Lemmyn my a woer dha vos gour Duw, ha bos gwiryonedh ger an ARLOEDH y'th hanow.’

2 Myghternedh 5:15

Ena ev a dhehwelis dhe wour Duw, ev hag oll y gowethas, ha dos ha sevel a-ragdho ha leverel, ‘Lemmyn my a woer nag eus Duw yn oll an norvys, marnas yn Ysrael. Lemmyn kemmer, my a'th pys, ro dhiworth dha was.’

1 Kroniklys 16:25

Rag meur yw an Arloedh, ha pur wiw yw y wormel; res yw perthi own anodho dres oll duwow.

2 Kroniklys 2:5

An chi a vynnav y dhrehevel a vydh bras, rag agan Duw yw brassa ages oll duwow erell.

Nehemia 9:10

ha ri toknys hag anethow erbynn Faro hag erbynn oll y servysi, hag oll pobel y wlaskor; rag ty a wodhya i dhe dhyghtya agan tasow yn tont. Ytho ty a waynyas an ger-da a'th eus, par dell yw y'n jydh hedhyw.

Nehemia 9:16

‘Mes i ha'gan tasow, a dheuth ha bos goethus ha kales aga hilbenn ha ny woslowsons orth dha worhemmynnow.

Nehemia 9:29

Ha ty a's gwarnyas rag aga threylya arta dhe'th lagha. Hwath i a faryas gans bedhekter ha ny obaysons dha worhemmynnow, mes i a beghas erbynn dha vreusow, a re bewnans dhe'n re a's gwith. Mes i a gildennas an skoedh, ha kaleshe aga hilbenn ha ny obaysons.

Salmow 119:21

Ty re geredhis an re woethus; milliges yw an re a gammdremen dhiworth dha worhemmynnow.

Salmow 135:5

Rag my a woer an Arloedh dhe vos meur, ha'gan Arloedh dhe vos a-ugh an duwow oll.

Salmow 31:23

Kerewgh an Arloedh, oll y syns ev! An Arloedh a with an re len, mes ev a dal yn hel dhe'n re a omdheg yn hwoethus.

Salmow 95:3

Rag an Arloedh yw Duw meur, ha Myghtern meur dres oll duwow.

Salmow 97:9

Rag ty, A Arloedh, yw ughel dres oll an nor; ty yw ughelhes yn feur a-ugh an duwow oll.

Eksodus 1:10

Dewgh, gwren yn fur gansa ma na liesplekhahons, hag y hyll hwarvos, bresel mar teffo, i ynwedh dhe junya gans an re a'gan kas, hag omladh er agan pynn, ha diank a'n tir.’

Eksodus 1:16

ha leverel, ‘Pan wryllowgh an Ebrowesow dhe dhineythi, ha mires war an dhew ven, mar pydh mab – gwrewgh dhodho bos gorrys dhe'n mernans; ha mar pydh myrgh, gesewgh hi dhe vewa.’

Eksodus 1:22

ha Faro a worhemmynnis dhe oll y bobel, ow leverel, ‘Pub maw a vydh genys – tewlewgh ev y'n Nil, ha pub myrgh gwithewgh hi yn few.’

Eksodus 10:3

Ytho Moyses hag Aron eth a-ji dhe Faro, ha leverel dhodho, ‘Yndellma y lever an Arloedh, Duw an Ebrowyon, “Pygemmys prys y neghydh omuvelhe a-ragov? Gas ow fobel dhe vones ma'm serfyons.

Eksodus 12:12

Rag my a wra tremena dres pow Ejyp an nos na, ha my a wra gweskel pub kynsa-genys yn pow Ejyp, ha den ha best; ha war dhuwow Ejyp my a wra breus: my yw an Arloedh.

Eksodus 14:18

Ha'n Ejyptianys a woer my dhe vos an Arloedh, pan gavav gordhyans drefenn Faro, y jarettow, ha'y varghogyon.’

Eksodus 14:8

Ha'n Arloedh a galeshas kolonn Faro myghtern Ejyp hag ev a siwyas mebyon Ysrael dell ethons yn-rag gans leuv ughel.

Eksodus 15:11

‘Piw yw haval dhis, A Arloedh, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

Eksodus 5:2

Mes Faro a leveris, ‘Piw yw an Arloedh may koelliv orth y lev ha gasa Ysrael dhe vones? Ny aswonnav an Arloedh, ha dhe voy ny asav Ysrael dhe vones.’

Eksodus 5:7

‘Ny rowgh na fella dhe'n bobel kala' rag gwruthyl brykkys avel kyns; gesewgh i dhe vones ha kuntell kala aga honan.

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Niverow 33:4

ha'n Ejyptianys owth ynkleudhyas pub kynsa-genys, re bia gweskys yn aga mysk gans an Arloedh; war aga duwow ynwedh an Arloedh a wrug breusow.

Luk 1:51

Ev re dhiskwedhas nerth der y vregh, ev re skattras an re woethus yn preder aga holonn.

Jamys 4:6

Mes brassa gras y re ev; rakhenna y lever, ‘Duw a sev erbynn tus woethus, mes dhe dus uvel ev a re ras.’

1 Peder 5:5

Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’

1 Samuel 2:3

Na gewsewgh prest namoy mar brout, na wres balghder dos a-dhiworth agas ganow; rag an Arloedh yw Duw a skians, ha ganso gwriansow yw poesys.