Eksodus 16:35 - An Bibel Kernewek 20234 (Kernewek Kemmyn)

³⁵ Ha mebyon Ysrael a dhybris an manna dew-ugens blydhen, bys pan dheuthons dhe dir annedhys; i a dhybris an manna bys pan dheuthons dhe or pow Kanan.

Eksodus 16:35 ပူးပေါင်းရင်းမြစ်များ

Nehemia 9:15

Ty a ros dhedha bara dhiworth nev rag aga nown, ha dri dowr ragdha yn-mes a'n garrek rag aga syghes, ha ty a leveris dhedha mayth ellens a-ji dhe erita an pow re doses gans leuv drehevys y ri dhedha.

Niverow 32:13

Ha sorr an Arloedh a dhewis erbynn Ysrael, hag ev a wrug dhedha gwandra y'n gwylvos dew-ugens blydhen, bys pan veu gorfennys oll an henedh re wrussa drog yn golok an Arloedh.

Niverow 33:38

Hag Aron an oferyas a yskynnas menydh Hor orth gorhemmynn an Arloedh, hag a verwis ena, y'n dew-ugensves blydhen wosa mebyon Ysrael dhe dhos yn-mes a bow Ejyp, y'n kynsa dydh a'n pympes mis.

Oberow 7:36

An gour ma a's hembronkas yn-mes, ow kul marthusyon hag toknys yn pow Ejyp, hag orth an Mor Rudh, hag y'n gwylvos dres dew-ugens blydhen.

1 Korinthianys 10:3

hag oll a dhybris an keth boes spyrysel,

Dewteronomi 1:8

Mir, my re settyas an tir a-ragowgh. Dewgh hag erita an tir a dos an Arloedh dh'agas tasow, dhe Abraham, dhe Ysak, ha dhe Yakob, dh'y ri dhedha ha dh'aga has war aga lergh.’

Dewteronomi 2:7

Rag an Arloedh dha Dhuw re'th vennigas yn pub ober a'th leuv. Ev a woer dha gerdh dre'n gwylvos bras ma. An dew-ugens blydhen ma an Arloedh dha Dhuw re beu genes, ha ny fyllsys a dravyth.’

Dewteronomi 29:4

Mes ny ros dhywgh an Arloedh kolonn dhe wodhvos, na dhewlagas dhe weles, na dhiwskovarn dhe glewes bys y'n jydh hedhyw.

Dewteronomi 8:4

Dha vantell ny gothhas warnas, ha dha droes ny hwythfis an dew-ugens blydhen ma.

Yoshua 5:12

An manna a sessyas y'n jydh may tyb'sons askorr an tir, ha nyns esa dhe'n Ysraelysi manna namoy; i a dhybris askorr pow Kanan an vlydhen na.