Eksodus 15:20 - An Bibel Kernewek 20234 (Kernewek Kemmyn)

²⁰ Ena Miryam, an brofoeses, hwoer Aron, a gemmeras tabourik yn hy leuv ha'n benynes oll eth war hy lergh gans tabourigow ha gans donsyow.

Eksodus 15:20 ပူးပေါင်းရင်းမြစ်များ

Salmow 150:4

Gormelewgh ev gans an tabour ha'n dons; gormelewgh ev gans kerdyn ha'n bib.

1 Samuel 18:6

Pan esens ow tos tre, y'n termyn may tehwelis Davydh dhiworth ladhva an Filistyas, an benynes eth yn-mes a oll sitys Ysrael, ow kana hag ow tonsya, dhe dhyerbynna myghtern Sowl, gans tabourigow, gans kanow a lowena, ha gans daffar menestrouthi.

Salmow 68:25

An ganoryon eth a-rag, an menestrouthi gans daffar kerdyn eth a-dryv, yn aga mysk yth esa morenyon ow tonsya gans tabouryow.

Breusysi 11:34

Pan dheuth Yefthagh dh'y ji yn Mispa, y feu y vyrgh ow tos yn-mes dhe vetya ganso gans tabourigow ha gans donsya. Hi o y unn flogh. Ny'n jevo naneyl mab na myrgh marnas hi.

Niverow 26:59

Hanow gwreg Amram o Yokebed myrgh Levi, a veu genys dhe Levi yn Ejyp; ha hi a dhineythis dhe Amram Aron ha Moyses ha Miryam aga hwoer.

Mika 6:4

Pan y'th tres yn-mes a bow Ejyp, ha'th tasprena a ji an gethneth, ha dannvon a-dheragos Moyses, Aron ha Miryam.

Salmow 149:3

Gormelens i y hanow y'n dons, kanens gormola dhodho gans tabourik ha sowtri.

Breusysi 4:4

Y'n termyn na yth esa Debora, profoeses, gwreg Lappidoth, ow preusi Ysrael.

Luk 2:36

Hag yth esa profoeses, Anna, myrgh Fanuel, a loeth Asher. Hi o gyllys pell yn dydhyow pals, ha re vewsa gans gour seyth blydhen a-dhia hy gwyrghsys,

Salmow 81:2

Gwrewgh dhe'n menestrouthi seni, gweskewgh an tabourik, an sowtri hweg gans an delynn.

2 Myghternedh 22:14

Ytho Hilkia an oferyas, Ahikam, Akbor, Shafan, hag Asaya eth dhe Hulda an brofoeses, gwreg Shallum mab Tikva mab Harhas, gwithyas an dhillasva; yth esa hi trigys yn Yerusalem y'n Nessa Kwartron, hag i a gewsis orti.

Eksodus 2:4

ha'y hwoer a wortas a neb pellder dhe wodhvos pandr'a hwarvedha dhodho.

Oberow 21:9

Lemmyn yth esa dhe'n gour ma peder myrgh, gwyrghesow neb a brofoesa.

Salmow 68:11

An Arloedh a ros an ger; bagas meur a dhellos an derivas:

Salmow 30:11

Ty re dreylyas ow hynvann dhe dhons; ty re dhiwiskas ow yskar ha'm grogysa gans lowender.

2 Samuel 6:14

Ha Davydh a dhonsyas dherag an Arloedh gans oll y nerth; ha Davydh o grogysys gans efod a lien.

1 Samuel 10:5

Wosa henna ty a dheu dhe Gibeath-elohim le may ma savla-gwithysi an Filistysi. Ena, wosa ty dhe dhos di dhe'n sita, ty a dhyerbynn bagas a brofoesi ow tos yn-nans dhiworth an tyller ughel, hag a-ragdha telynn ha tabourik, ha pib, ha sowtri, hag i a vydh ow profoesa.

Breusysi 21:21

ha goelyewgh; pan dheu an benynes yowynk yn-mes dhe gemmeres rann yn donsyow, ena dewgh yn-mes a'n gwinlannow, ha pub huni synses gwreg ragdho y honan a venynes yowynk Shilo, ha kewgh yn pow Benyamin.

Niverow 20:1

Ha mebyon Ysrael, an kuntelles oll, a dheuth a-ji dhe wylvos Sin y'n kynsa mis, ha'n bobel a wortas yn Kadesh; ha Miryam a verwis ena, hag a veu ynkleudhys ena.

1 Korinthianys 11:5

mes pub benyn ow pysi po ow profoesa ha'y fenn heb kudhlenn a dhisenor hy fenn, kepar ha pan ve hi bloghhes yth yw.

2 Samuel 6:16

Pan dheuth argh an Arloedh a-ji dhe sita Davydh, Mikal myrgh Sowl a viras war-woeles der an fenester, ha gweles myghtern Davydh ow lamma hag ow tonsya dherag an Arloedh; ha hi a'n dispresyas yn hy holonn.

2 Samuel 6:5

Davydh hag oll chi Ysrael a lowenhas dherag an Arloedh gans oll aga nerth, gans kanow, ha sowtris, telynnow, tabourigow, sistrennow, ha gans symbalys.

1 Korinthianys 14:34

y koedh dhe'n benynes tewel y'n eglosyow: rag ny's teves kummyas a gewsel, mes bedhens gostydh, par dell lever ynwedh an lagha.

Niverow 12:1

Miryam hag Aron a gewsis erbynn Moyses drefenn an Gushyades re dhemmedhsa, rag ev dhe dhemmedhi Kushyades;

Jenesis 31:27

Prag y hwruss'ta fia yn-dann gel ha'm toella, ha ny wruss'ta y dherivas dhymm, may hwrellen dha dhannvon yn-kerdh gans lowena ha gans kanow, gans tabourik ha gans sowtri,

2 Samuel 1:20

Na wrewgh y leverel yn Gath, na wra y dhyllo yn stretow Ashkelon; ma na lowenhaho myrghes an Filistysi, ma na heudhhaho myrghes an re antrodreghys.

1 Kroniklys 6:3

Mebyon Amram: Aron, Moyses, ha'ga hwoer, Miryam. Mebyon Aron: Nadab, Abihu, Eleazar hag Ithamar.

1 Kroniklys 15:16

Davydh a erghis dhe ledyoryon an Levysi apoyntya aga breder avel kanoryon gans daffar menestrouthi, telynnow, sowtris ha symbalys, ow trehevel son lowena.

Ekklesiastes 3:4

Prys dagrewi ha prys hwerthin; prys kyni ha prys donsya.

Yeremia 31:4

Arta my a'th trehav, ha ty a vydh drehevys, A wyrghes Ysrael! ty a vydh tekhes arta gans dha dabourigow, ha mos yn-rag yn dons an re lowen.

Niverow 12:2

hag i a leveris, ‘A ny gewsis an Arloedh yn hwir marnas dre Moyses? A ny gewsis dredhon ni ynwedh?’ Ha'n Arloedh a'n klewas.

Nehemia 6:14

Porth kov a Tobia ha Sanballat, ow Duw, war-lergh an taklow ma a wrussons, hag ynwedh an brofoeses Noadia ha'n brofoesi erell hag a vynnas ow ownekhe.

Salmow 68:26

Bennigewgh Duw y'n kuntellesow, ha'n Arloedh, hwi fenten Ysrael.