Eksodus 15:16 - An Bibel Kernewek 20234 (Kernewek Kemmyn)

¹⁶ own hag euth a goedh warnedha; drefenn meuredh dha vregh, i yw kosel avel men, erna dremenno dha bobel, A Arloedh, erna dremenno dha bobel re brensys.

Eksodus 15:16 ပူးပေါင်းရင်းမြစ်များ

Jenesis 35:5

Ena i eth yn-kerdh. Yth esa own Duw war an sitys a-dro dhedha, ha ny wrussons siwya mebyon Yakob.

2 Samuel 7:23

Piw yw haval dhe'th pobel, haval dhe Ysrael, kenedhel dhibarow y'n norvys, neb eth Duw dh'y dasprena avel pobel ragdho y honan, ha dhe wul hanow ragdho, ha dhe wul ragowgh traow bras hag euthyk, rag dha wlas, a-dherag dha bobel, a dhasprensys ragos dha honan dhiworth Ejyp, a-dhiworth an kenedhlow ha'ga duwow?

Salmow 105:38

Ejyp a lowenhas pan ethons dhe-ves, rag own anedha a goedhsa warnedha.

Salmow 74:2

Porth kov a'th kuntelles a brensys seuladhydh, loeth dha ertach a dhasprensys, ha menydh Sion may trigsys ynno.

Salmow 89:14

Ewnder ha gwirvreus yw sel dha se; tregeredh ha gwirder a a-dherag dha fas.

Eksodus 11:7

Mes erbynn mebyon Ysrael, ny wra ki grommya, erbynn den na best; may hwodhvowgh an Arloedh dhe dhissernya ynter an Ejyptianys hag Ysrael.

Eksodus 15:13

‘Ty re hembronkas y'th tregeredh an bobel re dhasprensys, ty re's kevarwoedhas dre dha nerth dhe'th trigva sans.

Eksodus 15:5

An livow a's kudh; i a sedhis y'n downder avel men.

Eksodus 15:6

‘Dha leuv dhyghow, A Arloedh, yw gormelys yn nerth, dha leuv dhyghow, A Arloedh, a vrew an eskar.

Eksodus 18:8

Ena Moyses a leveris dh'y hwegron pup-tra a wrussa an Arloedh dhe Faro ha dhe Ejyp a-barth Ysrael, oll an anken re dhothya warnedha war an hyns ha fatell y's liv'sa an Arloedh.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Eksodus 23:20

Otta, y tannvonav el a-ragos, dhe'th witha war an hyns ha'th tri dhe'n tyller re bareusis.

Eksodus 23:22

Mes mar koslowydh yn ta orth y lev ha gul pup-tra a lavarav, ena my a vydh eskar dhe'th eskerens hag erbynner dhe'th erbynnoryon.

Eksodus 23:27

My a wra dannvon ow euth a-ragos, ha gorra yn deray oll an dus may tewgh er aga fynn, ha my a wra dhe'th eskerens oll treylya keyn er dha bynn.

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Ysay 51:10

A ny veu ty hag a syghas an mor, dowrow an keynvor; neb a wrug downder an mor fordh may tremenna an re dasprenys warnedhi?

Ysay 63:12

neb a wrug dh'y vregh gloryus mos orth leuv dhyghow Moyses, ow folsa dowrow a-ragdha, dhe wul ragdho hanow a dhur vys vykken,

Yeremia 31:11

Rag an Arloedh re dhasprenas Yakob, ha'y dhelivra a leuv re grev ragdho.

Ezekiel 16:8

Ena my a dremenas dresos ha mires, hag otta, drehedhys veus dhe'n oes a gerensa. Ytho my a lesas ow lostenn warnas ha kudha dha noethedh, ha my a dos ti dhis, hag entra yn kevambos genes, yn-medh an Arloedh Duw, ha ty a dheuth ha bos dhymm.

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Dewteronomi 11:25

Denvyth ny yll sevel er agas pynn. An Arloedh agas Duw a re euth ahanas hag own ahanas war enep oll an tir may trettyowgh warnodho, kepar dell gewsis orthowgh.

Dewteronomi 2:25

Hedhyw my a dhalleth settya agha ahanas hag own ahanas war an kenedhlow yn-dann an nevow oll, neb a glew derivas ahanas, hag i a gren ha bos yn gloesow a'th wovis.’

Dewteronomi 2:4

Gorhemmynn dhe'n bobel, ow leverel: Yth esowgh ow treusi or agas breder mebyon Esaw usi trigys yn Seir. I a berth own ahanowgh, rakhenna omwithewgh fest.

Dewteronomi 32:6

A attylowgh an Arloedh yndella, pobel goeg ha diboell? A nyns yw ev dha Das, dha Wrier, neb a'th formyas, ha neb a'th fastyas?

Dewteronomi 32:9

Rag rann an Arloedh yw y bobel; Yakob yw kevrenn y eretons.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Yoshua 2:9

hag yn-medh hi dhe'n wer: ‘My a woer an Arloedh dhe ri dhywgh an tir; euth ahanowgh re goedhas warnan hag oll trigoryon an tir re deudhis yn own a-ragowgh.

Yoshua 4:24

may hwodhve oll poblow an norvys bos krev leuv an Arloedh, ha may perthewgh own a'n Arloedh agas Duw bys vykken.’

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

1 Samuel 2:9

‘Ev a with treys y dus lel, mes an debeles a vydh tawesek yn tewlder; rag dre alloes ny wra denvyth gwarthevya.

1 Samuel 25:37

Mes ternos myttin, pan o an gwin gyllys mes a Nabal, y wreg a dherivas an traow ma orto, ha'y golonn a verwis a-ji dhodho; ev a dheuth ha bos avel men.