Eksodus 14:31 - An Bibel Kernewek 20234 (Kernewek Kemmyn)

³¹ Hag Ysrael a welas an ober meur a wrug an Arloedh erbynn an Ejyptianys, ha'n bobel a borthas own a'n Arloedh; hag i a grysis y'n Arloedh hag yn y was Moyses.

Eksodus 14:31 ပူးပေါင်းရင်းမြစ်များ

2 Kroniklys 20:20

I a sevis ternos myttin ha mos yn-mes dhe wylvos Tekoa; hag i ow mos yn-mes, Yehoshafat a sevis ha leverel, ‘Goslowewgh orthiv, A Yuda ha trigoryon Yerusalem! Trestyewgh y'n Arloedh agas Duw ha hwi a vydh fastys; trestewgh yn y brofoesi ha hwi a sewen.’

Nehemia 9:9

‘Ha ty a welas galar agan tasow yn Ejyp ha klewes aga kri ryb an Mor Rudh,

Salmow 119:120

Ow hig a gren rag own ahanas, ha my a berth own a'th vreusow.

Eksodus 19:9

Ha'n Arloedh a leveris dhe Moyses, ‘Otta, y tov dhis yn kommolenn dew may klewvo an bobel pan gowsav genes ha may kryssons dhis bys vykken.’ Ena Moyses a leveris geryow an bobel dhe'n Arloedh.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Luk 8:13

An re war an veynek yw neb pan glewons a dhegemmer an ger gans lowena, ha nyns eus dhedha gwreydhenn; i a grys pols byghan, hag yn termyn temptasyon i a gildenn.

Yowann 11:45

Ytho lies a'n Yedhewon neb a wrussa dos dhe Varia ha gweles an pyth a wrug ev, a grysis ynno.

Yowann 2:11

Yesu a wrug henna, dalleth y doknys, yn Kana a Alile, ha diskwedhes y wolewder; ha'y dhyskyblon a grysis ynno.

Oberow 8:13

Hag ynwedh Simon y honan a grysis, ha wosa y vos besydhys ev a junyas gans Felip; hag ow kweles toknys ha marthusyon meur gwrys, marth a'n jeva.

Ebrowyon 3:5

Lemmyn Moyses o len yn oll chi Duw avel gwas, dhe desta dhe'n traow a vedha kewsys a-wosa,

Yoshua 24:7

Mes i a armas dhe'n Arloedh, hag ev a worras tewlder yntredhowgh ha'n Ejyptianys, ha dri an mor warnedha ha'ga hudha; ha'gas lagasow re welas an pyth re wrugavy yn Ejyp. Ha hwi a drigas y'n gwylvos meur a dhydhyow.

Yoshua 4:14

Y'n jydh na an Arloedh a veurhas Yoshua yn golok oll Ysrael; hag i a berthi own anodho dell berthens own a Moyses, oll dydhyow y vewnans.

Yoshua 4:24

may hwodhve oll poblow an norvys bos krev leuv an Arloedh, ha may perthewgh own a'n Arloedh agas Duw bys vykken.’

1 Samuel 12:16

Lemmyn ytho sevewgh a'gas sav ha gwelewgh an dra veur ma, a wra an Arloedh a-dherag agas lagasow

1 Samuel 12:18

Ytho Samuel a elwis dhe'n Arloedh, ha'n Arloedh a dhannvonas taran ha glaw an jydh na; hag oll an bobel a borthas own bras a'n Arloedh hag a Samuel.