Eksodus 13:21 - An Bibel Kernewek 20234 (Kernewek Kemmyn)

²¹ Ha'n Arloedh eth a-dheragdha dydhweyth yn koloven a gommol dh'aga hembronk war an hyns, ha nosweyth yn koloven a dan dhe ri golow dhedha, may hallens mones dydh ha nos;

Eksodus 13:21 ပူးပေါင်းရင်းမြစ်များ

Nehemia 9:12

Gans koloven a gommol ty a's hembronkas y'n jydh ha gans koloven a dan y'n nos, dhe wolowi ragdha an fordh mayth ellens.

Nehemia 9:19

ty, yn dha dregeredh vras, ny's forsaksys y'n gwylvos; ny dhibarthas an goloven a gommol dhiworta y'n jydh rag aga hembronk y'n fordh, na'n goloven a dan y'n nos rag ri golow dhedha war a'n fordh mayth ellens.

Salmow 105:39

Ev a lesas kommolenn yn kudhans, ha tan dhe ri golow nosweyth.

Salmow 68:7

A Dhuw, pan ythys yn-mes a-dherag dha bobel, pan gerdhsys der an difeyth, Sela

Salmow 77:20

Ty a hembronk dha bobel avel deves dre leuv Moyses hag Aron.

Salmow 78:14

Ha dydhweyth ev a's hembronkas gans kommolenn, ha dres an nos gans golow tan.

Salmow 99:7

Ev a gewsis orta y'n goloven a gommol; i a synsis y dhustuniow ha'n gorhemmynn a ros dhedha.

Eksodus 10:10

Hag ev a leveris dhedha, ‘Re bo an Arloedh genowgh, mar kwrav agas gasa hwi ha'gas re vyghan dhe vones. Mirewgh, hwi a'gas beus neb tebel dowl yn agas brys.

Eksodus 16:10

Ha dell gewsi Aron dhe'n kuntelles oll a vebyon Ysrael, i a viras war-tu ha'n gwylvos, hag otta, golewder an Arloedh a omdhiskwedhas y'n gommolenn.

Eksodus 32:1

Pan welas an bobel Moyses dhe hokya a dhiyskynna a'n menydh, an bobel a omguntellas war-barth gans Aron ha leverel dhodho, ‘Yn-bann, gwra dhyn ni duwow a wra mones a-ragon; rag an Moyses ma, an gour a'gan dros yn-mes a bow Ejyp, ny wodhon an pyth eus hwarvedhys dhodho.’

An Gan a Ganow 3:6

Piw yw hemma usi ow tos yn-bann a'n gwylvos, kepar ha kolovenyow a vog, yn mysk ethennow a vyrr ha frankynkys, a bub polter sawrek a'n marchont?

Niverow 10:34

Hag yth esa kommolenn an Arloedh warnedha dydhweyth, peskweyth mayth ethons a'n kamp.

Niverow 14:14

hag i a lever hemma dhe drigoryon an tir ma. I re glewas ty dhe vos, A Arloedh, yn mysk an bobel ma; rag ty, A Arloedh, yw gwelys fas orth fas, ha dha gommolenn a sev a-ughta ha ty a a-dheragdha, yn koloven kommol dydhweyth hag yn koloven tan nosweyth.

Dewteronomi 1:33

ow kerdhes a-ragowgh y'n fordh dhe hwilas le rag agas kampya, yn tan nosweyth dhe dhiskwedhes dhywgh an fordh a gerdhowgh ynni, hag yn kommol dydhweyth.’

Dewteronomi 31:8

An Arloedh dha Dhuw yth yw neb a gerdh a-ragos; ev a vydh genes, ny wra dha asa na'th forsakya; na borth own, ha na borth euth.’