Eksodus 12:41 - An Bibel Kernewek 20234 (Kernewek Kemmyn)

⁴¹ Ha dhe benn an peswar kans ha deg blydhen warn ugens, y'n jydh na poran, oll luyow an Arloedh eth yn-mes a bow Ejyp.

Eksodus 12:41 ပူးပေါင်းရင်းမြစ်များ

Jenesis 50:24

Hag yn-medh Yosep dh'y vreder, ‘Yth esov ow merwel. Duw sertan a wra agas visitya, ha'gas dri yn-bann mes a'n pow ma bys y'n pow a ambosas ev dre di dhe Abraham, dhe Ysak ha dhe Yakob.’

1 Myghternedh 6:1

Y'n peswar kans ha peswar-ugensves blydhen wosa fleghes Ysrael dhe dhos yn-mes a Ejyp, y'n peswora blydhen a reyn Solomon war Ysrael, yn mis Ziv, an eyl mis, ev a dhallathas drehevel chi an Arloedh.

2 Kroniklys 14:12

Yndella an Arloedh a weskis an Ethiopysi a-rag Asa hag a-rag Yuda, ha'n Ethiopysi a fias dhe'n fo.

Salmow 102:13

Ty a sev ha kemmeres truedh a Sion, rag prys yw bos grassyes orti; an prys apoyntys re dheuth.

Salmow 114:1

Pan eth Ysrael mes a Ejyp, chi Yakob a-dhiworth pobel astranj aga yeth,

Salmow 136:11

ha dri Ysrael yn-mes a'ga mysk, rag y dregeredh a dhur bys vykken;

Eksodus 12:17

Ha hwi a wra goelya goel an bara heb goell, rag an keth jydh ma my a dhros agas luyow yn-mes a bow Ejyp: rakhenna hwi a wra goelya an jydh ma, der agas henedhow, avel ordenans bys vykken.

Eksodus 12:51

Ha dhe'n keth jydh na an Arloedh a dhros mebyon Ysrael yn-mes a bow Ejyp herwydh aga luyow.

Eksodus 13:14

Hag y'n termyn a dheu pan wovynn orthis dha vab, “Pyth yw styr hemma?” ty a lever dhodho, “Dre nerth an leuv an Arloedh a'gan dros yn-mes a Ejyp, yn-mes a ji an gethneth.

Eksodus 13:16

Y fydh avel tokyn war dha dhorn po soenelligow yntra dha dhewlagas; rag dre nerth an leuv an Arloedh a'gan dros yn-mes a Ejyp.’

Eksodus 13:3

Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an Arloedh a'gas dros a'n tyller ma gans leuv grev; bara goell ny vydh dybrys.

Eksodus 13:9

Hag y fydh dhis avel tokyn war dha dhorn hag avel kov yntra dha dhewlagas, may fo lagha an Arloedh yn dha anow; rag dre leuv grev an Arloedh re'th tros yn-mes a Ejyp.

Eksodus 3:10

Deus, my a'th tannvon dhe Faro may trylli ow fobel, mebyon Ysrael, yn-mes a Ejyp.’

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Eksodus 6:26

An re ma yw an Aron ha Moyses a gewsis an Arloedh dhedha, ‘Drewgh mebyon Ysrael yn-mes a Ejyp herwydh aga luyow.’

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Eksodus 7:4

mes ny wra Faro koela orthowgh. Ena my a wra gorra ow dorn war Ejyp ha kyrghes ow luyow, ow fobel, mebyon Ysrael, yn-mes a bow Ejyp dre vreusow meur.

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Levitikus 23:43

may hwodhvo agas henedhow y hwrug vy dhe vebyon Ysrael triga yn skovvaow pan y's dros yn-mes a bow Ejyp. An Arloedh agas Duw ov vy.

Habakkuk 2:3

Rag an welesigeth yw hwath rag termyn apoyntys; hi a fisten dhe'n diwedh, ha ny wowlever: kyn hok hi, rag hi a dheu yn surredi, ny dhelat hi.

Niverow 23:22

Duw a's dre yn-mes a Ejyp; i a's teves, dell hevel, kern an ojyon gwyls.

Niverow 33:1

An re ma yw kerdhow mebyon Ysrael, pan ethons yn-mes a bow Ejyp herwydh aga luyow yn-dann leuv Moyses hag Aron.

Yowann 7:8

Kewgh hwi yn-bann dhe'n goel; my ny av yn-bann dhe'n goel ma; rag nyns yw kowlwrys ow eur na hwath.’

Oberow 1:7

Ev a leveris dhedha, ‘Nyns yw dhywgh hwi godhvos na prysyow na sesonyow re settyas an Tas der y awtorita y honan.

Oberow 7:36

An gour ma a's hembronkas yn-mes, ow kul marthusyon hag toknys yn pow Ejyp, hag orth an Mor Rudh, hag y'n gwylvos dres dew-ugens blydhen.

Dewteronomi 16:1

Gwith mis Abib, ha gwra pask dhe'n Arloedh dha Dhuw, rag yn mis Abib an Arloedh dha Dhuw a'th tros mes a bow Ejyp d'wor' an nos.

Dewteronomi 4:37

Drefenn ev dhe gara dha dasow, ev a dhewisas aga has war aga lergh, hag ev y honan a'th tros mes a Ejyp ha der y alloes bras,

Yoshua 24:5

Ena my a dhannvonas Moyses hag Aron, ha my a weskis Ejyp gans an pyth a wrugavy ena; hag a-wosa my a'gas hembronkas yn-mes.

Yoshua 5:14

Hag ev a leveris, ‘Na, mes my re dheuth lemmyn avel bennsevik lu an Arloedh.’ Ha Yoshua a goedhas dhe'n dor war y fas, ha gordhya, ha leverel dhodho, ‘Pandr'a lever ow Arloedh dh'y was?’