Eksodus 12:37 - An Bibel Kernewek 20234 (Kernewek Kemmyn)

³⁷ Ha mebyon Ysrael eth yn-rag a Rameses dhe Sukkoth, neb hwegh kans mil wour war droes, heb rekna an fleghes.

Eksodus 12:37 ပူးပေါင်းရင်းမြစ်များ

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

Jenesis 15:5

Hag ev a'n dros mes a-ji ha leverel, ‘Mir lemmyn troha'n nev ha reken niver an ster, mar kyllydh aga nivera.’ Hag yn-medh ev dhodho, ‘Yndella y fydh dha has.’

Jenesis 46:3

Hag yn-medh ev, ‘My yw Duw, Duw dha das Ysak. Na borth own a vos yn-nans dhe Ejyp, rag ena my a wra dhis bos kenedhel vras.

Jenesis 47:11

Ena Yosep a dhesedhas y das ha'y vreder, hag ev a ros dhedha perghennogeth yn pow Ejyp, y'n gwella rann a'n tir yn pow Rameses, dell wrussa Faro gorhemmynna.

Eksodus 1:11

Ha warnedha i a ordenas mestrysi hwel rag aga arwaska gans beghyow poes, hag i a dhrehevis sitys-gwithva rag Faro, Pithom ha Rameses;

Eksodus 10:9

Ha Moyses a leveris, ‘Ni a wra mos gans agan re yowynk ha'gan re goth; ni a wra mos gans agan mebyon ha'gan myrghes ha gans agan flokkys ha'gan oghen, rag y koedh dhyn synsi goel an Arloedh.’

Eksodus 13:20

Hag i eth yn-rag a Sukkoth ha kampya yn Etham, war vin an gwylvos.

Eksodus 38:26

beka pub penn (henn yw hanter shekel, war-lergh shekel an sentri), rag pubonan a veu reknys y'n niveryans, a ugens bloedh ha moy, rag hwegh kans ha tri a vilyow, pymp kans ha hanter-kans a dus.

Niverow 1:2

Gwra niveryans a'n kuntelles oll a vebyon Ysrael, herwydh aga theyluyow, herwydh chiow aga thasow, herwydh an niver a henwyn, pub gorreydh penn ha penn;

Niverow 1:46

aga niver kowal o hwegh kans ha tri a vilyow, pymp kans ha hanter-kans.

Niverow 11:21

Mes Moyses a leveris, ‘An bobel le mayth esov yn aga mysk yw hwegh kans mil aga niver war droes; ha ty re leveris, “My a re dhedha kig may tepprons mis kowal.”

Niverow 2:32

An re ma yw mebyon Ysrael dell vons niverys herwydh chiow aga thasow; peub y'n kampow a veu niverys herwydh aga luyow o hwegh kans ha tri a vilyow, pymp kans ha hanter-kans.

Niverow 26:51

An re ma yw an re niverys a vebyon Ysrael, hwegh kans hag onan a vilyow, seyth kans, deg warn ugens.

Niverow 33:3

I eth yn-kerdh a-dhiworth Rameses y'n kynsa mis, y'n pymthegves dydh a'n kynsa mis; y'n jydh wosa an pask mebyon Ysrael eth yn-mes gans leuv ughel yn golok an Ejyptianys oll,

Niverow 33:5

Ytho mebyon Ysrael eth yn-kerdh a-dhiworth Rameses, ha kampya yn Sukkoth.