Ekklesiastes 9:9 - An Bibel Kernewek 20234 (Kernewek Kemmyn)

⁹ Bydh lowen y'th vewnans gans dha wreg veurgerys oll an dydhyow a'th vewnans euver re ros dhis Duw yn-dann an howl, oll an dydhyow a'th euveredh, rag henn yw dha rann y'th vewnans, hag a'th lavur a wre'ta dhe oberi yn-dann an howl.

Ekklesiastes 9:9 ပူးပေါင်းရင်းမြစ်များ

Jenesis 26:8

Wosa ev dhe vos ena termyn hir, Abimelek myghtern an Filistysi, a viras der an fenester ha gweles, hag awotta, Ysak, ow chershya Rebeka y wreg.

Salmow 144:4

Kepar hag anall yw den; y dhydhyow a dremen avel skeus.

Salmow 39:5

Otta, ty re wrug ow dydhyow avel nebes dornvedhi, ha'm oes yw avel travyth a-dheragos; yn hwir, pub den a sev avel anall. Sela.

Lavarow Koth 18:22

Neb a gyv gwreg a gyv tra dha, hag ev a gyv favour a'n Arloedh.

Lavarow Koth 19:14

Chi ha pythow yw eretons dhiworth tasow mes gwreg poellek yw ro dhiworth an Arloedh.

Ekklesiastes 2:10

Pypynag a bysis ow dewlagas, ny skonis vy a'y ri dhedha, na ny skonis a ri plesour vytholl dhe'm kolonn. Ytho lowen o ow holonn drefenn oll ow lavur, ha hemm o ow gober rag oll ow lavur.

Ekklesiastes 2:24

Nyns eus travyth gwell rag den ages dybri hag eva, ha bos lowen yn y lavur. Ynwedh my re welas hemma dhe dhos dhiworth leuv Duw.

Ekklesiastes 3:13

pub den dhe dhybri hag eva, ha bos lowen yn oll y lavur; hemm yw ro Duw.

Ekklesiastes 3:22

Ytho my a welas nag eus travyth gwell rag den ages lowenhe yn y lavur, rag bos henna y rann; rag piw a yll diskwedhes dhodho an pyth a hwyrvydh wosa y dermyn ev?

Ekklesiastes 5:18

My re welas ow honan pandr'yw gwiw ha teg rag mebyon den dh'y wul – dhe dhybri hag eva ha lowenhe yn aga ober kales a wrons i dhe oberi yn-dann an howl, dres an nebes dydhyow a'ga bewnans re ros Duw dhedha, rag hemm yw aga rann.

Ekklesiastes 6:12

Rag piw a woer pandr'yw 'vas rag den hedre vo bew, dres an nebes dydhyow a'y vewnans euver, rag i a dremen kepar ha skeus. Rag piw a yll disklerya dhe dhen an taklow a hwyrvydh a'y wosa yn-dann an howl?

Ekklesiastes 7:15

My re welas oll hemma y'm dydhyow euver: treweythyow den mas a verow spit dh'y ewnder, ha treweythyow tebelwas a vew pell spit dh'y dhrogoberow.

Malaki 2:15

A ny's gwrug an unn Duw, kig ha spyrys? Ha pandr'a vynn an unn Duw marnas agh duwek? Rakhenna gwithewgh war agas spyrys, ha na vydh dislen orth gwreg dha yowynkneth.