Ekklesiastes 9:7 - An Bibel Kernewek 20234 (Kernewek Kemmyn)

⁷ Ke, deber gans plesour dha vara, ha gans kolonn lowen yv dha win rag bos dha oberennow plegadow dhe Dhuw.

Ekklesiastes 9:7 ပူးပေါင်းရင်းမြစ်များ

Jenesis 12:19

Prag y hwruss'ta leverel, “Ow hwoer yw hi”, may hwrugavy hy hemmeres avel gwreg? Ytho, otta dha wreg. Kemmer hi, ha ke yn-kerdh.’

1 Myghternedh 8:66

Y'n ethves dydh ev a dhannvonas an bobel dhe-ves; hag i a vennigas an myghtern, ha mos dh'aga thyldow, lowenek hag yn spyrys da drefenn an dader oll a dhiskwedhas an Arloedh dh'y was Davydh ha dh'y bobel Ysrael.

Ekklesiastes 10:19

Rag hwarth y hwrer fest, ha gwin a wra dhe vewnans bos lowen, mes arghans yw an gorthyp dhe bup-tra.

Ekklesiastes 11:8

Ytho mar pew den lies blydhen, gwres ev lowenhe ynna oll, mes perthes ev kov a'n dydhyow a dewlder, rag lower vydhons i. Euveredh yw pup-tra a dheu.

Ekklesiastes 5:18

My re welas ow honan pandr'yw gwiw ha teg rag mebyon den dh'y wul – dhe dhybri hag eva ha lowenhe yn aga ober kales a wrons i dhe oberi yn-dann an howl, dres an nebes dydhyow a'ga bewnans re ros Duw dhedha, rag hemm yw aga rann.

Ekklesiastes 7:14

Yn dydh sewena bydh lowen! Hag yn dydh a dhrog, gwra prederi a-dro dhe hemma. Duw re wrug an eyl ha'y gila, ma na allo denvyth diskudha travyth a hwyrvydh y'n termyn a dheu.

Ekklesiastes 8:15

Ha my a gommendyas plesour, rag nyns eus travyth gwell rag den ages dybri hag eva, ha lowenhe. Ytho plesour a wra mos ganso yn y lavur dres dydhyow a'y vewnans re ros Duw dhodho yn-dann an howl.

Niverow 6:20

Ha'n oferyas a wra aga gwevya rag offrynn gwevys a-rag an Arloedh; i yw rann sans dhe'n oferyas, war-barth gans an vronn a vydh gwevys ha'n vordhos a vydh drehevys; ha wosa henna an naziryas a yll eva gwin.

Mark 7:29

Hag ev a leveris dhedhi, ‘Rag an lavar ma ke war dha hyns; gallas an jowl yn-mes a'th vyrgh.’

Luk 11:41

Mes rewgh alusen a'n pyth usi war-ji, hag otta pup-tra a vydh glan dhywgh.

Yowann 4:50

Yn-medh Yesu dhodho, ‘Ke yn-rag, dha vab a vew.’ An den a grysis an ger a gewsis Yesu dhodho, hag yth eth dhe-ves.

Oberow 10:35

mes yn pub kenedhel neb a'n jeves own anodho ha gul ewnder yw plegadow dhodho.

Dewteronomi 12:12

Hwi a lowenha a-rag an Arloedh agas Duw, hwi, ha'gas mebyon, ha'gas myrghes, ha'gas servysi, ha'gas maghtethyon, ha'n Levyas usi a-ji dh'agas yetys drefenn nag eus dhodho kevrenn nag eretons genowgh hwi.

Dewteronomi 12:7

hag ena hwi a dheber a-rag an Arloedh agas Duw, ha lowenhe yn pup-tra may hworrowgh agas leuv warnodho, hwi ha'gas tiogethyow, may hwrug an Arloedh dha Dhuw dha venniga dredho.

Ruth 3:7

Pan worfennsa Boaz dybri hag eva, ha lowen y golonn, ev eth dhe wrowedha dhe benn an bern greun. Ena Ruth a gramyas yn kosel ha diskudha y dreys ha growedha rybdho.