Ekklesiastes 9:12 - An Bibel Kernewek 20234 (Kernewek Kemmyn)

¹² Yn sur ny woer den y brys gwiw; kepar dell yw puskes kevys yn tebel roes, ha kepar dell yw ydhyn kevys yn maglenn, yndellma yth yw mebyon den maglennys yn termyn anfeus a goedh warnedha a-dhesempis.

Ekklesiastes 9:12 ပူးပေါင်းရင်းမြစ်များ

Salmow 11:6

Ev a wra dhe golennow tan ha loskven koedha war an debeles avel glaw; gwyns gwyls a vydh kevrenn aga hanaf.

Lavarow Koth 24:22

Rag aga therroes a dheu a-dhistowgh, ha piw a woer an anfeusi a dheu dhiworta aga dew?

Lavarow Koth 29:6

Yn offens an tebelwas yma antell, mes an den gwiryon a gan hag a lowenha.

Lavarow Koth 6:15

Ytho y derroes a dheu warnodho distowgh, a-ji dhe brysweyth ev a vydh brewys dres sawya.

Ekklesiastes 3:19

Drefenn an keth tra yw tenkys mebyon den ha tenkys bestes. Kepar ha dell verow an eyl, yndella y ferow y gila; an dhew a'n jeves an keth anall. Nyns eus gwayn dhe vebyon den war an bestes, rag bos pup-tra euveredh.

Ekklesiastes 8:11

Pan nag eus breus gwrys a-dhesempis rag neb drogober, kennerthys yw kolonn mebyon den dhe wul drog.

Ekklesiastes 8:8

Par dell nag eus dhe dhenvyth galloes war an gwyns dh'y dempra, yndella nyns eus dhe dhenvyth galloes war dhydh y vernans. Par dell ny yll souder bos relessys yn termyn an gas, yndella ny yll drog sawya an dhrogoberoryon.

Ekklesiastes 9:13

Hemma ynwedh re welis a-dro dhe furneth yn-dann an howl, hag yth hevelis dhymm bos neppyth a vri:

Ysay 24:18

Piwpynag a fio dhiworth tros an euth a goedh y'n pytt, ha piwpynag a yskynno dhiworth an pytt a vydh kechys y'n vaglenn. Rag fenestri an ughelder yw igerys ha selyow an norvys a gren.

Ysay 30:13

rakhenna an kammweyth ma a vydh ragowgh avel aswa yn fos ughel parys dhe goedha, deantell, balek, may teu hy thorrva distowgh, a-dhesempis.

Ezekiel 32:3

Yndellma y lever an Arloedh Duw: My a les warnas ow roes yn kuntelles a lies pobel, hag i a'th tre yn-bann y'm roes-draylya.

Hosea 7:12

Hag i ow mos, my a dewl ow roes warnedha; avel ydhyn an nevow my a's dre yn-nans. My a's keredh pan y's klewav ow hesya.

Hosea 9:8

An profoes, gans ow Duw, yw an goelyador war Efraym; yma antell ydhna yn oll y fordhow, ha kas yn chi y Dhuw.

Luk 12:20

Mes Duw a leveris dhodho, “Ty foll, haneth y'n nos dha enev a vydh rekwirys dhiworthis; ha'n pythow a bareussys, piw dhodho y fydhons?”

Luk 12:39

‘Ha godhvydhewgh hemma, mar kodhve mester an chi py eur teffa an lader, ny wrussa gasa y ji dhe vos terrys.

2 Korinthianys 6:2

rag ev a lever, ‘Yn termyn plegadow my a'th klewas hag yn dydh a selwyans my a'th weresas.’ Otta, lemmyn yth yw termyn fest plegadow, otta, lemmyn yth yw dydh a selwyans;

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.

2 Timothi 2:26

ha rag may tehwellons dhe dhivedhowder yn-mes a vaglenn an jowl, maglennys ganso dhe wul y vodh.

1 Peder 2:12

Bedhes da agas bewedh yn mysk an Jentilys; ena kyn kewsons er agas pynn avel drogoberoryon, y hyllons gordhya Duw yn dydh y dhevedhyans, pan welons agas gwriansow da.

2 Peder 2:12

Mes an re ma, kepar ha bestes heb reson dineythys war-lergh natur dhe vos kechys ha distruys, ow plasfemya a-dro dhe daklow na wodhons, a vydh distruys y'n keth vaner,