Ekklesiastes 9:11 - An Bibel Kernewek 20234 (Kernewek Kemmyn)

¹¹ My a dreylyas dhe weles yn-dann an howl nag yw pup-prys an resegva gwaynys gans an re yw skav, ha nag yw pup-prys an gas gwaynys gans an re yw galloesek, ha nag eus bara dhe'n re yw fur, ha nag eus rychys dhe'n re yw skentel, ha nag eus gras dhe'n re yw sleygh, drefenn bos ha termyn ha chons ow hwarvos dhedha i oll.

Ekklesiastes 9:11 ပူးပေါင်းရင်းမြစ်များ

2 Samuel 17:14

Hag Absalom hag oll gwer Ysrael a leveris, ‘Kusul Hushay an Arkyas yw gwell ages kusul Ahithofel.’ Rag an Arloedh re worhemmynnsa dhe lesta kusul dha Ahithofel, may halla an Arloedh dri drog war Absalom.

2 Samuel 17:23

Pan welas Ahithofel na veu y gusul holys, ev a dhibras y asen ha sevel ha mones dh'y ji, dh'y sita, hag ordena y vayni, hag omgregi ha merwel, hag ev a veu ynkleudhys yn bedh y das.

2 Kroniklys 20:15

Ev a leveris, ‘Goslowewgh oll Yuda ha trigoryon Yerusalem, ha myghtern Yehoshafat: Yndellma y lever an Arloedh dhywgh: “Na vedhewgh ownek na digolonnek orth an routh vras ma; rag nyns yw an vatel dhywgh mes dhe'n Arloedh.

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Salmow 76:5

An re golonnek o pyllys; i a goedhas yn kosk; ny wodhya nagonan a'n vreselyoryon gul devnydh a'y dhiwleuv.

Lavarow Koth 1:5

An den fur a woslow hag ynkressya yn dyskans, ha'n den a gonvedhes a gyv kevarwoedhyans;

Ekklesiastes 2:12

My a dreylyas dhe wodhvos furneth ha dhe gonvedhes muskokter ha follneth. Mes pandr'a yll gul an den a dheu wosa an myghtern, saw an dra re beu gwrys kyns?

Ekklesiastes 3:14

My re wodhva pup-tra a wra Duw dhe dhurya bynitha. Ny yll bos travyth keworrys dhodho, na ny yll bos travyth kemmerys dhe-ves dhiworto. Yndella re wrug Duw, rag may hwrello tus perthi own anodho.

Ekklesiastes 3:17

My a leveris y'm kolonn, ‘Duw a vreus ha'n re wiryon ha'n debeles; rag yma termyn gwiw rag pub ober, ha prys breus rag pub gwrians.’

Ekklesiastes 4:1

Ytho my a dreylyas arta dhe weles oll an arwask yw gwrys yn-dann an howl. Hag otta, dagrow an dus arweskys: ny's teves konforter; denvyth ny's delirv dhiworth nerth aga arwaskoryon; ny's teves konforter.

Ekklesiastes 4:4

Ha my a welas oll an trobel hag oll an sleyghneth yn lavur ow tos dhiworth avi den erbynn y gentrevek. Hemma ynwedh yw euveredh ha chasya war-lergh an gwyns.

Ekklesiastes 7:13

Gwel ober Duw. Piw a yll ewnhe an pyth a gammas?

Ekklesiastes 9:2

Dhe bubonan yma an keth tenkys – dhe'n den gwiryon ha dhe'n drogoberer, dhe'n den mas, dhe'n den glan ha dhe'n den avlan, dhe'n den a offer sakrifis ha dhe'n den na'n offer. An pyth a hwer dhe'n den mas a hwer ynwedh dhe'n peghador; an pyth a hwer dhe'n re a wra ti a hwer ynwedh dhe'n re a's teves own a wul ti.

Ekklesiastes 9:3

Hemm yw drog kevys yn pup-tra gwrys yn-dann an howl – yma an keth tenkys ow kortos pubonan. Dres henna, leun a dhrog yw kolonn mebyon den hag yn aga holonn yma follneth hedre vons bew, hag a-wosa yth ons dhe'n re varow.

Yeremia 46:6

Na wres an buan fia na'n kasor diank; dhe'n gogledh ryb an avon Ewfrates i re drebuchyas ha koedha.

Yeremia 48:14

Fatell yllowgh leverel, ‘Kasoryon alloesek on ni, ha gwer nerthek rag an vresel’?

Yeremia 9:23

Yndellma y lever an Arloedh: Na esewgh an den fur dhe vostya yn y furneth, na na esewgh an den krev dhe vostya yn y grevder, na na esewgh an den rych dhe vostya yn y rychys:

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Zekaria 4:6

Ena ev a leveris dhymm, ‘Hemm yw ger an Arloedh dhe Zerubbabel: Ny vydh gans galloes na gans nerth, mes gans ow Spyrys, yn-medh Arloedh an luyow.

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

Efesianys 1:11

ni ynwedh a veu dewisys, ragdhestnys war-lergh y borpos ev neb a gowlwra pup-tra orth bodh y vrys,

Dewteronomi 8:17

Kemmer with na leverri y'th kolonn, ‘Ow nerth ha galloes ow leuv re wrug dhymm an wolusogneth ma.’

Dewteronomi 8:18

Mes porth kov a'n Arloedh dha Dhuw, rag yth yw ev neb a re dhis nerth dhe wul golusogneth, rag may fastyo y gevambos a dos dhe'th tasow, kepar hag y'n jydh hedhyw.

1 Samuel 17:50

Ytho Davydh a warthevyas war an Filistyas dre dowlbrenn ha dre ven, ha gweskel dhe'n leur an Filistyas ha'y ladha; mes nyns esa kledha vyth yn dorn Davydh.

1 Samuel 6:9

Ha mirewgh orti; mar teu yn-bann war an fordh dh'y thiredh hy honan, dhe Beth-shemesh, ena ev re wrug dhyn an drog bras ma; mes mar ny'n gwra, ena ni a woer nag yw y dhorn a'gan gweskis; y hwarva par happ.’