Ekklesiastes 8:7 - An Bibel Kernewek 20234 (Kernewek Kemmyn)

⁷ na woer ev a-dro dhe'n termyn a dheu, namoy ny yll denvyth leverel dhe dhen arall an pyth a hwyrvydh.

Ekklesiastes 8:7 ပူးပေါင်းရင်းမြစ်များ

Ester 5:12

Hag yn-medh Haman, ‘Hwath pella, ny dhros Ester an vyghternes denvyth a-ji gans an myghtern dhe'n kevewi a bareusis hi marnas my; hag a-vorow ynwedh my yw gelwys dhedhi gans an myghtern.

Lavarow Koth 24:22

Rag aga therroes a dheu a-dhistowgh, ha piw a woer an anfeusi a dheu dhiworta aga dew?

Lavarow Koth 27:1

Na vost a-dro dhe a-vorow, rag ny wodhes pandr'a dhre unn jydh.

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Ekklesiastes 10:14

An foll yw leun a eryow; Ny woer denvyth an pyth a hwer, ha'n pyth a hwyrvydh a'y wosa, piw a yll y leverel dhodho?

Ekklesiastes 3:22

Ytho my a welas nag eus travyth gwell rag den ages lowenhe yn y lavur, rag bos henna y rann; rag piw a yll diskwedhes dhodho an pyth a hwyrvydh wosa y dermyn ev?

Ekklesiastes 6:12

Rag piw a woer pandr'yw 'vas rag den hedre vo bew, dres an nebes dydhyow a'y vewnans euver, rag i a dremen kepar ha skeus. Rag piw a yll disklerya dhe dhen an taklow a hwyrvydh a'y wosa yn-dann an howl?

Ekklesiastes 7:14

Yn dydh sewena bydh lowen! Hag yn dydh a dhrog, gwra prederi a-dro dhe hemma. Duw re wrug an eyl ha'y gila, ma na allo denvyth diskudha travyth a hwyrvydh y'n termyn a dheu.

Ekklesiastes 9:1

Ytho my a brederis oll a-dro dhe hemma y'm kolonn, owth assaya y dhysmygi – bos an dus wiryon ha'n dus fur, keffrys ha'ga oberennow, yn leuv Duw. Naneyl kerensa na kas – ny's goer denvyth; yma pup-tra a-dheragdha.

Ekklesiastes 9:12

Yn sur ny woer den y brys gwiw; kepar dell yw puskes kevys yn tebel roes, ha kepar dell yw ydhyn kevys yn maglenn, yndellma yth yw mebyon den maglennys yn termyn anfeus a goedh warnedha a-dhesempis.

Matthew 24:44

Rakhenna, bedhewgh hwi ynwedh parys, rag y'n eur ma na dybowgh y teu Mab an den.

Matthew 24:50

dos a wra mester an kethwas na yn dydh na wayt, hag yn eur na woer.