Ekklesiastes 8:14 - An Bibel Kernewek 20234 (Kernewek Kemmyn)

¹⁴ Ottomma euveredh arall yw gwrys y'n norvys: treweythyow yma tus wiryon a gyv an pyth a dhendil an debeles, ha treweythyow yma tebeles a gyv an pyth a dhendil an re wiryon. Yn-medhav, ‘Hemma ynwedh yw euveredh.’

Ekklesiastes 8:14 ပူးပေါင်းရင်းမြစ်များ

Job 1:22

Der oll hemma ny beghas Job na kuhudha Duw a gammweythres.

Job 21:7

‘Prag y few an dhrogoberoryon, ow mos ha bos koth hag ow kressya aga galloes?

Job 27:12

Otta, hwi oll re welas hemma agas honan; prag y kewsewgh ytho kemmys flows?

Salmow 73:3

Rag my a borthas envi orth an re woethus pan welis vy sewenyans an debeles.

Ekklesiastes 10:5

Ottomma happ drog re welis yn-dann an howl, kammgemmeryans a'n par yw gwrys gans rewler.

Ekklesiastes 2:14

An den fur – yma y dhewlagas yn y benn, mes an foll a gerdh yn tewlder. Byttegyns my a welas an keth tenkys dhe goedha warnedha aga dew.

Ekklesiastes 4:4

Ha my a welas oll an trobel hag oll an sleyghneth yn lavur ow tos dhiworth avi den erbynn y gentrevek. Hemma ynwedh yw euveredh ha chasya war-lergh an gwyns.

Ekklesiastes 4:8

yma nebonan heb koweth, ny'n jeves naneyl mab na broder, ha nyns eus diwedh dhe oll y lavur, ha nyns yw y lagas gwalghys gans rychys. Ev a gyn, ‘Rag piw yth esov vy owth oberi, ha plesour ow fyllel dhe'm enev?’ Hemma ynwedh yw euveredh ha lavur beghus.

Ekklesiastes 7:15

My re welas oll hemma y'm dydhyow euver: treweythyow den mas a verow spit dh'y ewnder, ha treweythyow tebelwas a vew pell spit dh'y dhrogoberow.

Yeremia 12:1

Gwiryon osta, A Arloedh, pan bledyav genes: mes gas vy dhe gewsel genes a'th varnow: Prag y hwra fordh an debeles seweni? Prag yth yns attes oll an re yw traytus?

Malaki 3:15

Mes lemmyn ni a elow an re orgelus gwynnvys. Devri, drogoberoryon re sewenis, hag ynwedh an re a dhefias Duw a dhienkas.’