Ekklesiastes 8:13 - An Bibel Kernewek 20234 (Kernewek Kemmyn)

¹³ Mes ny vydh da gans an drogoberer, na ny wra ev hirhe y dhydhyow avel skeus, drefenn na sev ow perthi own a-dherag Duw.

Ekklesiastes 8:13 ပူးပေါင်းရင်းမြစ်များ

Job 14:2

Ev a dyv yn-bann kepar ha bleujenn hag a wedher, ev a fi kepar ha skeus, ha ny worta.

Job 18:5

‘Dar, golow an drogoberer yw difeudhys, ha ny splann flamm y dan.

Job 20:5

mayth yw heudh an re dhidhuw berr, hag unn pols byghan yw lowena an debelwas?

Job 21:30

bos an drogober gwithys dhiworth dydh an distruyans, ha bos delivrys dhiworth dydh an konnar?

Salmow 11:5

An Arloedh a brev an den gwiryon ha'n tebelwas, ha'y enev a gas an den a gar garowder.

Salmow 144:4

Kepar hag anall yw den; y dhydhyow a dremen avel skeus.

Salmow 37:1

Na sorr drefenn an dhrogoberoryon; ha na borth avi orth an re a wra sherewneth.

Salmow 39:5

Otta, ty re wrug ow dydhyow avel nebes dornvedhi, ha'm oes yw avel travyth a-dheragos; yn hwir, pub den a sev avel anall. Sela.

Salmow 55:23

Mes ty, A Arloedh, a's gorr yn-nans dhe doll an pytt; ny vew tus woesek ha fals moy ages hanter aga dydhyow; byttegyns my a drest ynnos jy.

Ekklesiastes 3:14

My re wodhva pup-tra a wra Duw dhe dhurya bynitha. Ny yll bos travyth keworrys dhodho, na ny yll bos travyth kemmerys dhe-ves dhiworto. Yndella re wrug Duw, rag may hwrello tus perthi own anodho.

Ekklesiastes 5:7

Kepar ha dell eus euveredh yn lies hunros, yndella yma an keth henna yn lies ger. Ytho porth own a Dhuw.

Ekklesiastes 6:12

Rag piw a woer pandr'yw 'vas rag den hedre vo bew, dres an nebes dydhyow a'y vewnans euver, rag i a dremen kepar ha skeus. Rag piw a yll disklerya dhe dhen an taklow a hwyrvydh a'y wosa yn-dann an howl?

Ekklesiastes 7:15

My re welas oll hemma y'm dydhyow euver: treweythyow den mas a verow spit dh'y ewnder, ha treweythyow tebelwas a vew pell spit dh'y dhrogoberow.

Ekklesiastes 7:18

Da yw ty dhe settya dalghenn y'n eyl gwarnyans, ha na wra gasa dha dhalghenn yn y gila; rag neb a berth own a Dhuw a dhienk dhiworth oll an taklow ma.

Ekklesiastes 8:8

Par dell nag eus dhe dhenvyth galloes war an gwyns dh'y dempra, yndella nyns eus dhe dhenvyth galloes war dhydh y vernans. Par dell ny yll souder bos relessys yn termyn an gas, yndella ny yll drog sawya an dhrogoberoryon.

Ysay 3:11

Go-ev an tebelwas, drog a'n jevydh; drefenn war-lergh ober y dhiwleuv y fydh gwrys dhodho ev.

Ysay 30:13

rakhenna an kammweyth ma a vydh ragowgh avel aswa yn fos ughel parys dhe goedha, deantell, balek, may teu hy thorrva distowgh, a-dhesempis.

Ysay 57:21

Nyns eus kres, yn-medh ow Duw, rag an debeles.

Ysay 65:20

Ny vydh ena na fella baban a vew nebes dhydhyow, na ny vydh den koth na vew oll y dydhyow; rag neb a verow kans penn-bloedh a vydh synsys avel maw, ha neb na dhrehedh dhe gans a vydh synsys avel milliges.

Yeremia 44:10

Ny's teva edrek, na ny borthsons own, na ny gerdhsons y'm lagha ha'm ordenansow a worris a-ragowgh hag a-rag agas tasow.

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

Yowann 5:29

hag i a dheu yn-mes; an re a wrug da bys yn dasserghyans bewnans, an re a wrug drog bys yn dasserghyans dampnasyon.

Jamys 4:14

Mes ny wodhowgh fatell vydh agas bewnans a-vorow. Ethenn owgh hwi owth omdhiskwedhes rag berr dermyn hag ena ow mos mes a wel.

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.