Ekklesiastes 8:11 - An Bibel Kernewek 20234 (Kernewek Kemmyn)

¹¹ Pan nag eus breus gwrys a-dhesempis rag neb drogober, kennerthys yw kolonn mebyon den dhe wul drog.

Ekklesiastes 8:11 ပူးပေါင်းရင်းမြစ်များ

2 Samuel 11:15

Y'n lyther ev a skrifas, ‘Sett Uria y'n voward, y'n kalessa omladh. Ena omdenn a-dhiworto, may fydh ev gweskys, ha merwel.’

Job 24:23

Ev a re dhedha diogeledh, ha skoedhys yns; mes yma y dhewlagas war aga fordhow.

Salmow 10:4

An tebelwas yn y valghder ny'n hwila; oll y dybyansow yw, ‘Nyns eus Duw.’

Salmow 10:6

Ev re leveris yn y golonn, ‘Ny drebuchyav; a unn henedh dhe'n nessa ny vydhav yn anken.’

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Eksodus 34:6

An Arloedh a dremenas a-ragdho ha gelwel, ‘An Arloedh, an Arloedh, Duw truedhek ha grassyes, lent ow serri ha leun a dregeredh ha lelder,

Eksodus 8:15

Mes Faro pan welas bos hedh, ev a galeshas y golonn, ha ny vynna goslowes orta; dell lavarsa an Arloedh.

Eksodus 8:32

Mes Faro a galeshas y golonn an prys ma ynwedh, ha ny asas an bobel dhe vones.

Ekklesiastes 9:3

Hemm yw drog kevys yn pup-tra gwrys yn-dann an howl – yma an keth tenkys ow kortos pubonan. Dres henna, leun a dhrog yw kolonn mebyon den hag yn aga holonn yma follneth hedre vons bew, hag a-wosa yth ons dhe'n re varow.

Ysay 26:10

Mars yw favour diskwedhys dhe debelwas, ny dhysk ewnder; yn tir a ewnder ev a wra anewnder, heb gweles meuredh an Arloedh.

Ysay 57:11

Piw re berthsys own ha dout anodho, may leversys gow, ha na berthsys kov ahanav na worra hemma y'th kolonn? A nyns yw rag my dhe dewi a hirneth, ytho ny berthydh own ahanav?

Yeremia 42:15

ena klewewgh ger an Arloedh hwi remenant Yuda. Yndellma y lever Arloedh an luyow, Duw Ysrael: Mars owgh hwi ervirys dhe vos dhe Ejyp ha dhe driga ena,

Yeremia 48:11

Moab re beu attes a'y yowynkneth, sedhys avel gwin war y wodhes; ny veu gwakhes a lester dhe lester, na nyns eth yn divroedh; ytho y vlas re wortas ynno, ha nyns yw y sawer chanjys.