Ekklesiastes 7:15 - An Bibel Kernewek 20234 (Kernewek Kemmyn)

¹⁵ My re welas oll hemma y'm dydhyow euver: treweythyow den mas a verow spit dh'y ewnder, ha treweythyow tebelwas a vew pell spit dh'y dhrogoberow.

Ekklesiastes 7:15 ပူးပေါင်းရင်းမြစ်များ

Jenesis 47:9

Hag yn-medh Yakob dhe Faro, ‘Dydhyow blydhynyow ow godrigow yw deg ha hwegh-ugens. Boghes ha drog re beu dydhyow blydhynyow ow bewnans, ha ny wrussons dos nes dhe dhydhyow blydhynyow bewnans ow thasow yn dydhyow aga godrigow i.’

1 Myghternedh 21:13

An dhew vilen a dheuth a-ji hag esedha a-dal dhodho; ha'n vilens a dhustunias erbynn Naboth yn lok an bobel, ow leverel, ‘Naboth a vollethis Duw ha'n myghtern.’ Ytho i a'n dug yn-mes a'n sita ha'y labydha bys y'n mernans.

Salmow 10:3

Rag an tebelwas a vost a vynnas y enev, ev a vennik an den yw kraf rag gwayn anewn, ha dispresya an Arloedh.

Salmow 39:6

Rag den a gerdh avel skeus; yn hwir ev yw troblys yn euver; ev a wra bern a rychys ha ny woer piw a'n kuntell.

Ekklesiastes 2:23

Rag oll y dhydhyow yw poen, ha'y ober yw keudh; ha hwath yn nos ny yll y golonn powes. Hemma ynwedh yw euveredh.

Ekklesiastes 3:16

My a welas neppyth ken yn-dann an howl. Yn le gwirvreus yth esa sherewneth, hag yn le ewnder yth esa kammhynseth.

Ekklesiastes 6:12

Rag piw a woer pandr'yw 'vas rag den hedre vo bew, dres an nebes dydhyow a'y vewnans euver, rag i a dremen kepar ha skeus. Rag piw a yll disklerya dhe dhen an taklow a hwyrvydh a'y wosa yn-dann an howl?

Ekklesiastes 9:9

Bydh lowen y'th vewnans gans dha wreg veurgerys oll an dydhyow a'th vewnans euver re ros dhis Duw yn-dann an howl, oll an dydhyow a'th euveredh, rag henn yw dha rann y'th vewnans, hag a'th lavur a wre'ta dhe oberi yn-dann an howl.

Ysay 65:20

Ny vydh ena na fella baban a vew nebes dhydhyow, na ny vydh den koth na vew oll y dydhyow; rag neb a verow kans penn-bloedh a vydh synsys avel maw, ha neb na dhrehedh dhe gans a vydh synsys avel milliges.

Yowann 16:2

I a wra agas emskemuna a'n synaga; mes an eur a dheu pan dyb peub a wra agas ladha, ev dhe brofya gordhyans dhe Dhuw.

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,