Ekklesiastes 7:14 - An Bibel Kernewek 20234 (Kernewek Kemmyn)

¹⁴ Yn dydh sewena bydh lowen! Hag yn dydh a dhrog, gwra prederi a-dro dhe hemma. Duw re wrug an eyl ha'y gila, ma na allo denvyth diskudha travyth a hwyrvydh y'n termyn a dheu.

Ekklesiastes 7:14 ပူးပေါင်းရင်းမြစ်များ

1 Myghternedh 8:47

hwath mar tons dh'aga skians y'n tir may fons kemmerys yn kethneth, ha bos edregus, ha pledya genes yn tir an re a's dug yn kethneth, ow leverel, “Ni re beghas, ha kammwul; ni re wrug drogedh”,

Job 2:10

Mes yn-medh ev dhedhi, ‘Ty a gews kepar dell gewssa onan a'n benynes foll. A wren ni degemmeres dader dhiworth leuv Duw, hag a ny wren ni degemmeres drogedh?’ Gans hemma oll ny beghas Job gans y dhiwweus.

Salmow 119:71

Da yw ow bos yn anken, rag may tyskiv dha ordenansow.

Salmow 40:3

Hag ev re worras kan nowydh y'm ganow, kan a wormola dh'agan Duw. Lies huni a'n wel, ha perthi own, ha trestya y'n Arloedh.

Ekklesiastes 10:14

An foll yw leun a eryow; Ny woer denvyth an pyth a hwer, ha'n pyth a hwyrvydh a'y wosa, piw a yll y leverel dhodho?

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Ekklesiastes 12:13

Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Ekklesiastes 12:8

Euveredh a euveredh, yn-medh an Pregowther, pup-tra yw euveredh.

Ekklesiastes 3:22

Ytho my a welas nag eus travyth gwell rag den ages lowenhe yn y lavur, rag bos henna y rann; rag piw a yll diskwedhes dhodho an pyth a hwyrvydh wosa y dermyn ev?

Ekklesiastes 3:4

Prys dagrewi ha prys hwerthin; prys kyni ha prys donsya.

Ekklesiastes 5:17

Yn sur ev a dhybri yn tewlder pub dydh oll a'y vewnans, hag yn sorr bras ha kleves ha tristyns ev a wodhevi yn fen.

Ekklesiastes 8:7

na woer ev a-dro dhe'n termyn a dheu, namoy ny yll denvyth leverel dhe dhen arall an pyth a hwyrvydh.

Ekklesiastes 9:7

Ke, deber gans plesour dha vara, ha gans kolonn lowen yv dha win rag bos dha oberennow plegadow dhe Dhuw.

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Ysay 42:25

Ytho ev a dhinewis warnodho toemmder y sorr, ha nerth an gas. Ev a worras tan ynno a-derdro, mes ny gonvedhas, ev a'n loskas, mes ny'n kemmeras yn y golonn.

Yeremia 23:20

Ny dreyl sorr an Arloedh dhe-ves bys pan wra ev kompoesa ha kowlwul towlow y golonn. Y'n dydhyow diwettha hwi a'n konvedh yn kler.

Kynvannow 3:38

A nyns yw yn-mes a anow an Ughella y teu drog ha da?

Mika 6:9

Lev an Arloedh a arm war an sita, ha doethter yw perthi own a'th hanow: Goslowewgh an welenn ha neb a's ordenas!

Matthew 9:13

Lemmyn ewgh ha dyskewgh styr an lavar ma, Ny vynnav sakrifis, mes tregeredh; rag nyns o'ma devedhys dhe elwel an re wiryon mes peghadoryon.’

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Dewteronomi 26:11

Ha ty a lowenha yn pup-tra da re ros dhis an Arloedh dha Dhuw, ha dhe'th chi, ty ha'n Levyas ha'n alyon usi yn agas mysk.

Dewteronomi 28:47

Drefenn na servsys an Arloedh dha Dhuw gans joy ha gans kolonn lowen rag lanwes a bup-tra oll,

Dewteronomi 8:3

Ev a'th uvelhas, ha'th wul dhe vos nownek, ha'th voesa gans manna na aswonnsys ha ny'n aswonnsons dha dasow; rag ma'th wrella dhe aswonn nag yw dre vara unnsel y few den, mes ev a vew dre bup-tra oll a dheu yn-mes a anow an Arloedh.

Dewteronomi 8:5

Aswonn y'th kolonn, kepar dell geredh gour y vab, yndella an Arloedh dha Dhuw a'th keredh.

Jamys 5:13

Eus nebonan ahanowgh grevys? Gwres ev pysi. Eus nebonan lowenek? Kanes ev salm.