Ekklesiastes 6:6 - An Bibel Kernewek 20234 (Kernewek Kemmyn)

⁶ Kyn hwrella ev bewa diwweyth mil vlydhen, nyns yw ev lowen yn y sewena. A nyns a pubonan dhe'n keth tyller?

Ekklesiastes 6:6 ပူးပေါင်းရင်းမြစ်များ

Jenesis 5:5

Dydhyow oll bewnans Adam a veu naw kans blydhen ha deg warn ugens; hag ev a verwis.

Job 1:21

Hag ev a leveris, ‘Noeth y teuth vy dhiworth torr ow mamm, ha noeth y tehwelav ena; an Arloedh a ros, ha'n Arloedh re gemmeras dhe-ves; benniges re bo hanow an Arloedh.’

Job 30:23

My a woer ty dhe'm dri dhe'n mernans, ha dhe'n chi apoyntys rag pub den bew.

Job 7:7

‘Porth kov ow bewnans dhe vos anall; ny wra ow dewlagas gweles arta yn ta.

Salmow 34:12

Py den eus neb yw hwansek dhe vewnans, hag a vynn dydhyow pals rag may hwello da?

Ekklesiastes 12:7

ha'n doust a dhehwel dhe'n dor kepar dell o, ha'n spyrys a dhehwel dhe Dhuw neb a'n ros.

Ekklesiastes 2:14

An den fur – yma y dhewlagas yn y benn, mes an foll a gerdh yn tewlder. Byttegyns my a welas an keth tenkys dhe goedha warnedha aga dew.

Ekklesiastes 3:20

An dhew a dhe'n keth tyller: an dhew a dheu dhiworth an doust, ha dhe'n doust an dhew a dhehwel.

Ekklesiastes 6:3

Kyn tineyttho gour kans flogh ha bewa lies blydhen, kyn fewo hirneth mes ny yll ev bos lenwys gans y sewena, kyn na vo bedh dhodho, my a lavarsa, flogh genys marow yw feusikka agesso.

Ekklesiastes 6:5

kyn na welas nevra golow an howl, na ny wodhva travyth, hwath ev a'n jeves moy powes ages an den na.

Ekklesiastes 7:2

Gwell yw mos dhe ji kynvann ages mos dhe ji kevewi; rag bos mernans an denkys a beub oll ha res yw dhe'n den bew kemmeres henna yn y golonn.

Ekklesiastes 9:2

Dhe bubonan yma an keth tenkys – dhe'n den gwiryon ha dhe'n drogoberer, dhe'n den mas, dhe'n den glan ha dhe'n den avlan, dhe'n den a offer sakrifis ha dhe'n den na'n offer. An pyth a hwer dhe'n den mas a hwer ynwedh dhe'n peghador; an pyth a hwer dhe'n re a wra ti a hwer ynwedh dhe'n re a's teves own a wul ti.

Ysay 65:20

Ny vydh ena na fella baban a vew nebes dhydhyow, na ny vydh den koth na vew oll y dydhyow; rag neb a verow kans penn-bloedh a vydh synsys avel maw, ha neb na dhrehedh dhe gans a vydh synsys avel milliges.

Ysay 65:22

Ny dhrehevons, hag arall a drig ena, ny blansons, hag arall a dheber. Rag dydhyow ow fobel a vydh avel dydhyow gwydhenn, ha'm re dhewisys a wel ober aga diwla ow toen frut termyn hir.

Yeremia 17:6

Ev a vydh avel merywenn y'n difeyth, ha ny wel pan dheu dader; mes trigys vydh yn tylleryow krin an difeyth, yn tir hoelanek nag yw annedhys.

Ebrowyon 9:27

Ha poran dell yw ordenys dhe dus merwel unnweyth, ha wosa henna breus,