Ekklesiastes 6:12 - An Bibel Kernewek 20234 (Kernewek Kemmyn)

¹² Rag piw a woer pandr'yw 'vas rag den hedre vo bew, dres an nebes dydhyow a'y vewnans euver, rag i a dremen kepar ha skeus. Rag piw a yll disklerya dhe dhen an taklow a hwyrvydh a'y wosa yn-dann an howl?

Ekklesiastes 6:12 ပူးပေါင်းရင်းမြစ်များ

1 Kroniklys 29:15

Rag alyons on ni a-ragos, ha godrigoryon, kepar ha'gan tasow oll. Avel skeus yw agan dydhyow war an nor, heb govenek.

Job 14:2

Ev a dyv yn-bann kepar ha bleujenn hag a wedher, ev a fi kepar ha skeus, ha ny worta.

Job 14:21

Enorys yw y vebyon ha ny'n goer ev; iselhes yns, ha ny'n gwel.

Job 8:9

rag dhiworth de on ni, ha ny wodhon travyth; skeus yw agan dydhyow war an norvys.

Salmow 102:11

Ow dydhyow a leha kepar ha skeus, ha kepar ha gwels y hwedhrav.

Salmow 109:23

Yth av dhe-ves avel skeus pan hirha; y'm shakir dhe-ves avel an lokust.

Salmow 144:4

Kepar hag anall yw den; y dhydhyow a dremen avel skeus.

Salmow 16:5

An Arloedh yw ow rann dhewisys ha'm hanaf; ty a syns ow hevrenn.

Salmow 17:15

Mes my a hwither war dha fas yn ewnder; lowr vydh ragov, pan dhifunav, gweles dha furv.

Salmow 4:6

Lies huni a lever, ‘Piw a dhiskwa dader dhyn ni? Drehav warnan golow dha fas, A Arloedh.’

Salmow 47:4

Ev a dhewis agan ertach ragon, goeth Yakob y garadow. Sela.

Salmow 89:47

Porth kov, A Arloedh, ass yw kott ow bewnans; a formsys oll mebyon den yn euver?

Ekklesiastes 10:14

An foll yw leun a eryow; Ny woer denvyth an pyth a hwer, ha'n pyth a hwyrvydh a'y wosa, piw a yll y leverel dhodho?

Ekklesiastes 12:13

Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Ekklesiastes 2:24

Nyns eus travyth gwell rag den ages dybri hag eva, ha bos lowen yn y lavur. Ynwedh my re welas hemma dhe dhos dhiworth leuv Duw.

Ekklesiastes 2:3

My a hwilas y'm kolonn dhe blesya ow horf gans gwin – gidys y'm brys gans furneth – ha dhe settya dalghenn yn follneth bys pan welvydhav pandr'yw da rag mebyon den dh'y wul yn-dann nev dres an nebes dydhyow a'ga bewnans.

Ekklesiastes 3:22

Ytho my a welas nag eus travyth gwell rag den ages lowenhe yn y lavur, rag bos henna y rann; rag piw a yll diskwedhes dhodho an pyth a hwyrvydh wosa y dermyn ev?

Ekklesiastes 6:11

Yma lies tra hag a balsha euveredh. Pandr'yw an gwayn dhe dhen?

Ekklesiastes 7:15

My re welas oll hemma y'm dydhyow euver: treweythyow den mas a verow spit dh'y ewnder, ha treweythyow tebelwas a vew pell spit dh'y dhrogoberow.

Ekklesiastes 8:13

Mes ny vydh da gans an drogoberer, na ny wra ev hirhe y dhydhyow avel skeus, drefenn na sev ow perthi own a-dherag Duw.

Ekklesiastes 8:7

na woer ev a-dro dhe'n termyn a dheu, namoy ny yll denvyth leverel dhe dhen arall an pyth a hwyrvydh.

Ekklesiastes 9:6

An pyth a garens i war-barth ha'n pyth a gasens i hag a berthens avi orto res eth lemmyn dhe goll, ha nyns eus rann dhedha bys vykken a bup-tra yw gwrys yn-dann an howl.

Ekklesiastes 9:9

Bydh lowen y'th vewnans gans dha wreg veurgerys oll an dydhyow a'th vewnans euver re ros dhis Duw yn-dann an howl, oll an dydhyow a'th euveredh, rag henn yw dha rann y'th vewnans, hag a'th lavur a wre'ta dhe oberi yn-dann an howl.

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Jamys 4:14

Mes ny wodhowgh fatell vydh agas bewnans a-vorow. Ethenn owgh hwi owth omdhiskwedhes rag berr dermyn hag ena ow mos mes a wel.