Ekklesiastes 6:11 - An Bibel Kernewek 20234 (Kernewek Kemmyn)

¹¹ Yma lies tra hag a balsha euveredh. Pandr'yw an gwayn dhe dhen?

Ekklesiastes 6:11 ပူးပေါင်းရင်းမြစ်များ

Salmow 73:6

Rakhenna yma goeth a-dro dh'aga honna avel torgh; garowder a's kudh avel kweth.

Ekklesiastes 2:15

Ytho my a leveris y'm kolonn, ‘An pyth a hwyrvydh dhe'n foll, an keth henna a hwyrvydh dhymmo vy. Dhe bana borpos ytho y teuth vy ha bos mar fur?’ Hag y'm kolonn my a leveris, ‘Hemma ynwedh yw euveredh.’

Ekklesiastes 3:19

Drefenn an keth tra yw tenkys mebyon den ha tenkys bestes. Kepar ha dell verow an eyl, yndella y ferow y gila; an dhew a'n jeves an keth anall. Nyns eus gwayn dhe vebyon den war an bestes, rag bos pup-tra euveredh.

Ekklesiastes 4:16

Dhe'n bobel oll nyns esa diwedh, na dhe'n dus oll esa yn-dann y rewl; mes ny lowenha ynno an re a dheu a-wosa. Ytho hemma ynwedh yw euveredh ha yeuni war-lergh an gwyns.

Ekklesiastes 4:8

yma nebonan heb koweth, ny'n jeves naneyl mab na broder, ha nyns eus diwedh dhe oll y lavur, ha nyns yw y lagas gwalghys gans rychys. Ev a gyn, ‘Rag piw yth esov vy owth oberi, ha plesour ow fyllel dhe'm enev?’ Hemma ynwedh yw euveredh ha lavur beghus.

Ekklesiastes 5:7

Kepar ha dell eus euveredh yn lies hunros, yndella yma an keth henna yn lies ger. Ytho porth own a Dhuw.

Ekklesiastes 6:10

Dhe'n dra a veu kyns, hanow a veu res seulabrys. Y hwodhor pandr'yw mab-den. Ny yll strivya gans den yw kreffa agesso.

Ekklesiastes 6:12

Rag piw a woer pandr'yw 'vas rag den hedre vo bew, dres an nebes dydhyow a'y vewnans euver, rag i a dremen kepar ha skeus. Rag piw a yll disklerya dhe dhen an taklow a hwyrvydh a'y wosa yn-dann an howl?

Hosea 12:1

Kowethya a wra Efraym gans an gwyns, ha helghya gwyns an howldrevel oll an jydh, ha kressya gowyow ha freudh. I a wra kevambos gans Assyria hag olew yw degys dhe Ejyp.