Ekklesiastes 6:10 - An Bibel Kernewek 20234 (Kernewek Kemmyn)

¹⁰ Dhe'n dra a veu kyns, hanow a veu res seulabrys. Y hwodhor pandr'yw mab-den. Ny yll strivya gans den yw kreffa agesso.

Ekklesiastes 6:10 ပူးပေါင်းရင်းမြစ်များ

Jenesis 3:9

Ha'n Arloedh Duw a elwis dhe Adam ha leverel dhodho, ‘Ple'th es'ta?’

Job 33:13

Prag y strivydh er y bynn, rag ny yll denvyth gorthybi dhe oll y eryow?

Job 40:2

‘A yll den kavyllek strivya gans an Ollgalloesek? Neb a dhadhel gans Duw, gorthybes ev dhodho.’

Job 9:32

Rag nyns yw ev gour, dell ov vy, may hylliv y worthybi, may hyllyn dos war-barth erbynn y gila y'n breuslys.

Salmow 103:15

Dydhyow mab-den yw avel gwels; avel bleujenn an gwel, yndella y fleujyow ev;

Salmow 39:6

Rag den a gerdh avel skeus; yn hwir ev yw troblys yn euver; ev a wra bern a rychys ha ny woer piw a'n kuntell.

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Ekklesiastes 3:15

An pyth re hwarva, an keth henna re beu gwrys kyns; ha'n pyth a hwyrvydh, an keth henna re beu gwrys kyns, rag Duw a hwila an pyth re beu kelys.

Ekklesiastes 6:11

Yma lies tra hag a balsha euveredh. Pandr'yw an gwayn dhe dhen?

Yeremia 49:19

Otta, avel lew ow tos a-dhiworth kaswydh an Yordan erbynn peurva a dhur der an vlydhen, a-dhesempis my a's chas yn-mes anedhi. Piw yw an den dewisys a apoyntyav rag hemma? Rag piw yw haval dhymm? Piw a yll ow gelwel dhe ri akont? Piw yw an bugel a yll sevel er ow fynn?

1 Korinthianys 10:22

A wren ni gul dhe'n Arloedh perthi avi? On ni kreffa agesso ev?