Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ekklesiastes 5:18 - An Bibel Kernewek 20234 (Kernewek Kemmyn)

18 My re welas ow honan pandr'yw gwiw ha teg rag mebyon den dh'y wul – dhe dhybri hag eva ha lowenhe yn aga ober kales a wrons i dhe oberi yn-dann an howl, dres an nebes dydhyow a'ga bewnans re ros Duw dhedha, rag hemm yw aga rann.

အခန်းကိုကြည့်ပါ။ ကော်ပီ




Ekklesiastes 5:18
16 ပူးပေါင်းရင်းမြစ်များ  

Mes an Arloedh a worhemmynn y dregeredh dydhweyth, ha nosweyth y gan a vydh genev, pysadow dhe Dhuw ow bewnans.


Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.


Pypynag a bysis ow dewlagas, ny skonis vy a'y ri dhedha, na ny skonis a ri plesour vytholl dhe'm kolonn. Ytho lowen o ow holonn drefenn oll ow lavur, ha hemm o ow gober rag oll ow lavur.


Nyns eus travyth gwell rag den ages dybri hag eva, ha bos lowen yn y lavur. Ynwedh my re welas hemma dhe dhos dhiworth leuv Duw.


My a hwilas y'm kolonn dhe blesya ow horf gans gwin – gidys y'm brys gans furneth – ha dhe settya dalghenn yn follneth bys pan welvydhav pandr'yw da rag mebyon den dh'y wul yn-dann nev dres an nebes dydhyow a'ga bewnans.


Ytho my a welas nag eus travyth gwell rag den ages lowenhe yn y lavur, rag bos henna y rann; rag piw a yll diskwedhes dhodho an pyth a hwyrvydh wosa y dermyn ev?


Duw a re dhe wour rychys ha pythow hag enor ha ny fyll dh'y enev travyth yw hwansek dhodho, mes ny re Duw dhodho an galloes dhe dhybri a'n frut a'y lavur, mes estren a'n deber. Hemm yw euveredh ha kleves ankensi.


Ha my a gommendyas plesour, rag nyns eus travyth gwell rag den ages dybri hag eva, ha lowenhe. Ytho plesour a wra mos ganso yn y lavur dres dydhyow a'y vewnans re ros Duw dhodho yn-dann an howl.


Ke, deber gans plesour dha vara, ha gans kolonn lowen yv dha win rag bos dha oberennow plegadow dhe Dhuw.


Rag y alowans, alowans pub-dydhyek a veu res dhodho gans myghtern Babylon hedre vo bew, bys yn dydh y vernans.


my a'gas ynni may fowgh gostydh dhe dus a'n par na, ha dhe bub kesoberer ha lavuryer.


Ty a'n deber a-rag an Arloedh dha Dhuw, y'n tyller a wra an Arloedh dha Dhuw y dhewis, ty ha'th vab ha'th vyrgh, ha'th was ha'th vaghteth, ha'n Levyas usi a-berth y'th yetys; ha hwi a lowenha a-rag an Arloedh dha Dhuw yn pup-tra may hworrydh dha leuv warnodho.


hag ena hwi a dheber a-rag an Arloedh agas Duw, ha lowenhe yn pup-tra may hworrowgh agas leuv warnodho, hwi ha'gas tiogethyow, may hwrug an Arloedh dha Dhuw dha venniga dredho.


Ha ty a lowenha yn pup-tra da re ros dhis an Arloedh dha Dhuw, ha dhe'th chi, ty ha'n Levyas ha'n alyon usi yn agas mysk.


Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ