Ekklesiastes 5:13 - An Bibel Kernewek 20234 (Kernewek Kemmyn)

¹³ Yma drog ankensi re welis yn-dann an howl – rychys kuntellys gans y berghennek dh'y bystik y honan,

Ekklesiastes 5:13 ပူးပေါင်းရင်းမြစ်များ

Jenesis 14:16

Hag ev a dhaskavas oll y bythow hag ynwedh y vroder Lot ha'y bythow ev, ha'n benynes ynwedh ha'n bobel.

Jenesis 19:14

Ha Lot eth yn-mes ha kewsel gans y dheuvyon a dhemmedhis y vyrghes ha leverel, ‘Sevewgh yn-bann, kewgh yn-kerdh yn-mes a'n tyller ma, rag an Arloedh a vynn distrui an sita ma.’ Mes dh'y dheuvyon yth heveli ev dhe vos den ow kul ges.

Jenesis 19:26

Mes gwreg Lot, esa a-dryv dhodho, a viras war-dhelergh ha mos ha bos pilar a hoelan.

Job 20:20

‘Yn sur ny gyv ev powes a'y ewl; ny yll skapya dhiworth y yeunadow.

Lavarow Koth 1:19

Yndella yw fordhow pubonan hag yw hwansek dhe wayn anewn, henna a denn dhe-ves bewnans an re a'n pew.

Lavarow Koth 1:32

Rag an re sempel yw ledhys gans aga dislelder, hag omfydhyans an fellyon a's distru;

Lavarow Koth 11:4

Nyns eus prow a rychys yn dydh a sorr, mes ewnder a dhelirv a ankow.

Lavarow Koth 23:4

Na lavur re rag mayth ylli ha bos rych, bydh fur, ha hedh.

Lavarow Koth 27:24

Rag ny bes tresor bys vykken, na ny bes kurun a henedh dhe henedh.

Ekklesiastes 4:8

yma nebonan heb koweth, ny'n jeves naneyl mab na broder, ha nyns eus diwedh dhe oll y lavur, ha nyns yw y lagas gwalghys gans rychys. Ev a gyn, ‘Rag piw yth esov vy owth oberi, ha plesour ow fyllel dhe'm enev?’ Hemma ynwedh yw euveredh ha lavur beghus.

Ekklesiastes 5:14

mes kellys veu an rychys na der aventur anfeusik, ha nyns eus travyth gesys yn y dhorn rag an vab a dhineythis dhe erita.

Ekklesiastes 8:9

Oll hemma my re welas ha my ow settya ow brys dhe bup-tra yw gwrys yn-dann an howl. Treweythyow neb unn den a wra maystri war dhen arall dh'y dhrog y honan.

Ysay 2:20

Y'n jydh na den a dewl y idolys a arghans ha'y idolys a owr, an pyth a wrug pubonan dhodho y honan dhe wordhya, dhe'n godhow ha dhe'n ughsommyses,

Sefania 1:18

Naneyl aga arghans na'ga owr a yll aga delivra yn dydh sorr an Arloedh; ha gans tan y avi an norvys oll a vydh devorys: rag ev a wra diwedh leun, yn sur neppyth euthyk, a beub eus trigys y'n norvys.

Luk 16:19

‘Yth esa den rych, neb a omwiska yn purpur ha sendal, ow kevewya yn splann pub dydh oll.

Luk 19:8

Mes Zakkeus a sevis ha leverel dhe'n Arloedh, ‘Otta, hanter ow fythow, Arloedh, my a re dhe'n voghosogyon, ha mar kwrugavy kemmeres neppyth a nebonan dre frows, my a'n daskorr pedergweyth.’