Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ekklesiastes 5:10 - An Bibel Kernewek 20234 (Kernewek Kemmyn)

10 Neb a gar arghans ny vydh gwalghys gans arghans, na ny vydh neb a gar rychys gwalghys gans y bythow. Hemma ynwedh yw euveredh.

အခန်းကိုကြည့်ပါ။ ကော်ပီ




Ekklesiastes 5:10
21 ပူးပေါင်းရင်းမြစ်များ  

Prag y fostydh yn drogober, ty vreselyas? Tregeredh Duw a dhur oll an jydh.


‘Ottomma an gour na wrug Duw y skovva, mes ev a drestyas yn y rychys meur, ha hwilas skovva yn y sherewneth.’


Na drestyewgh yn garowder, ha na fydhyewgh yn euver yn ladrans; mar moghha rychys, na worrewgh agas kolonn warnodho.


Ytho my a settyas ow brys dhe wodhvos furneth ha dhe gonvedhes muskokter ha follneth; ha my a wodhva hemma ynwedh dhe vos yeuni war-lergh an gwyns.


Oll an taklow ma yw skwithus: ny yll denvyth kewsel a-dro dhedha. Nyns yw an lagas gwalghys gans gweles, na'n skovarn gorlenwys gans klewes.


Pypynag a bysis ow dewlagas, ny skonis vy a'y ri dhedha, na ny skonis a ri plesour vytholl dhe'm kolonn. Ytho lowen o ow holonn drefenn oll ow lavur, ha hemm o ow gober rag oll ow lavur.


Ha my a viras orth pup-tra re wrug ow diwleuv, ha'n lavur a wrug vy dhe oberi, hag otta, pup-tra yw euveredh ha chasya war-lergh an gwyns, ha nyns eus gwayn yn-dann an howl.


Rag dhe neb yw plegadow dhodho, Duw a re furneth ha godhvos ha plesour, mes dhe'n peghador ev a re an oberenn a guntell ha bernya rychys hag ena dhe ri an keth henna dhe biwpynag a vo plegadow dhe Dhuw. Hemma ynwedh yw euveredh ha chasya war-lergh an gwyns.


Drefenn an keth tra yw tenkys mebyon den ha tenkys bestes. Kepar ha dell verow an eyl, yndella y ferow y gila; an dhew a'n jeves an keth anall. Nyns eus gwayn dhe vebyon den war an bestes, rag bos pup-tra euveredh.


Dhe'n bobel oll nyns esa diwedh, na dhe'n dus oll esa yn-dann y rewl; mes ny lowenha ynno an re a dheu a-wosa. Ytho hemma ynwedh yw euveredh ha yeuni war-lergh an gwyns.


Ha my a welas oll an trobel hag oll an sleyghneth yn lavur ow tos dhiworth avi den erbynn y gentrevek. Hemma ynwedh yw euveredh ha chasya war-lergh an gwyns.


yma nebonan heb koweth, ny'n jeves naneyl mab na broder, ha nyns eus diwedh dhe oll y lavur, ha nyns yw y lagas gwalghys gans rychys. Ev a gyn, ‘Rag piw yth esov vy owth oberi, ha plesour ow fyllel dhe'm enev?’ Hemma ynwedh yw euveredh ha lavur beghus.


An gwella tra rag pow yw myghtern, mayth yw y diryow y honan gonedhys yn ta.


Oll an lavur a dhen yw rag lenwel y anow, mes nyns yw y enev lenwys nevra.


‘Na guntellewgh dhywgh agas honan tresoryow war an nor, le may ma goedhan ha gossen ow tiswul ha may hwra ladron terri a-bervedh ha ladra.


‘Ny yll denvyth servya dew vester; rag poken ev a gas an eyl ha kara y gila, po lel yw dhe'n eyl hag ev a dhispres y gila. Ny yllowgh servya ha Duw ha mammon.


Hag yn-medh ev dhedha, ‘Bedhewgh war, hag omwithewgh a bithneth oll, rag kyn fo palster dhe dhen, ny dheu y vewnans a'y bythow.’


Rag fenten pub drog yw kerensa mona ha der an hwans ma nebes tus res eth yn sowdhan dhiworth an fydh ha gwana aga honan gans lies galar.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ