Ekklesiastes 4:14 - An Bibel Kernewek 20234 (Kernewek Kemmyn)

¹⁴ Rag mes a brison y teuth ev rag dos ha bos myghtern, kyn fe ev genys boghosek yn y ruvaneth y honan.

Ekklesiastes 4:14 ပူးပေါင်းရင်းမြစ်များ

Jenesis 41:14

Ena Faro a dhannvonas ha gelwel Yosep, hag i a'n dros yn hast mes a'n pytt; ev a omdhivarvas ha chanjya y dhillas, ha dos dhe Faro.

2 Myghternedh 24:12

Yehoyakin myghtern Yuda eth yn-mes dhe vyghtern Babylon, ev, ha'y vamm, ha'y wesyon, ha'y bennsevigyon, ha'y soedhogyon; ha myghtern Babylon a'n kemmeras prisner yn ethves blydhen y reyn.

2 Myghternedh 24:6

Ytho Yehoyakim a goskas gans y dasow; ha Yehoyakin, y vab, a reynyas yn y le.

2 Myghternedh 25:7

I a ladhas mebyon Sedekia a-dherag y dhewlagas; ena genna yn-mes dewlagas Sedekia; i a'n golmas yn kargharow a vrons ha'y dhri dhe Babylon.

Job 5:11

ev a sett an re uvel war-vann, ha'n re a gyn yw drehevys dhe sawder.

Ekklesiastes 4:15

My re welas oll an re vew neb a gerdh yn-dann an howl, war-barth ha'n nessa flogh a sev yn y le.

Kynvannow 4:20

Untys an Arloedh, anall agan dewfrik, a veu kechys yn aga antylli, may leversyn anodho ‘Yn-dann y skeus y fewyn ni yn mysk an kenedhlow.’

Daniel 4:31

Pan esa an geryow hwath yn ganow an myghtern, y koedhas lev a'n nevow: ‘Dhis y leverir, A Nebukadnessar an myghtern: gallas an ruvaneth dhiworthis,

1 Samuel 2:8

Ev a dhrehav an den gwann yn-mes a'n doust; ev a dhrehav an boghosek yn-mes a'n lusuek, dh'aga settya gans pennsevigyon, ha gul dhedha erita tron a enor. Rag yma selyow an norvys dhe'n Arloedh, hag ev re settyas an norvys warnedha.