Ekklesiastes 3:6 - An Bibel Kernewek 20234 (Kernewek Kemmyn)

⁶ Prys hwilas, ha prys kelli; prys gwitha ha prys tewlel dhe-ves.

Ekklesiastes 3:6 ပူးပေါင်းရင်းမြစ်များ

Jenesis 31:18

hag ev a ledyas dhe-ves oll y jatel hag oll y daklow re gavsa, an chatel re wrussa gwaynya yn Padan-aram, rag mos dhe Ysak y das, dhe bow Kanan.

2 Myghternedh 5:26

Mes ev a leveris dhodho, ‘A nyns eth ow holonn genes, pan dreylyas an gour dhiworth y jarett rag metya orthis? Yw hemma an termyn rag kemmeres arghans, ha rag kemmeres dillas, hag olewbrennyer, ha gwinbrennyer, ha deves, hag oghen, ha gwesyon ha maghtethyon?

2 Myghternedh 7:15

I eth war aga lergh bys y'n Yordan; hag otta, oll an fordh o leun a dhillas ha daffar tewlys dhe-ves gans Aram yn-dann fyski. Ytho an kannasow a dhehwelis ha derivas dhe'n myghtern.

2 Myghternedh 8:9

Ytho Hazael eth dhe vetya orto ha kemmeres ro ganso, begh a bup-tra da a Damaskus war dhew-ugens kowrvargh. Pan dheuth ev ha sevel a-ragdho yn-medh ev, ‘Dha vab, Ben-hadad myghtern Aram, re'm dannvonas dhis, ow leverel, “A wrav yaghhe dhiworth an kleves ma?” ’

Salmow 112:9

Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

Ekklesiastes 11:1

Dannvon dha vara war enep an dowrow, ha ty a wra y dhaskavoes wosa lies dydh.

Ekklesiastes 3:5

Prys skoellya meyn a-les, ha prys aga bernya; prys byrla ha prys skonya a vyrla.

Ekklesiastes 3:7

Prys frega ha prys gwrias; prys tewel ha prys kewsel.

Ysay 2:20

Y'n jydh na den a dewl y idolys a arghans ha'y idolys a owr, an pyth a wrug pubonan dhodho y honan dhe wordhya, dhe'n godhow ha dhe'n ughsommyses,

Yona 1:5

Ha'n marners a's teva own, ha kria, peub war y dhuw y honan, ha tewlel mes an karg esa y'n gorhel bys y'n mor, may fo skaffa. Mes Yona galsa yn-nans bys y'n barth a-ji dhe'n lester, hag yth esa ow krowedha, down yn kosk.

Matthew 19:29

Ha pubonan neb re asas chiow po breder po hwerydh po tas po mamm po fleghes po tiryow a-barth ow hanow vy, ev a dhegemmer kansplek, hag ev a erit bewnans heb diwedh.

Oberow 27:19

ha'n tressa dydh gans aga diwla aga honan i a dewlis daffar an gorhel yn-mes.

Oberow 27:38

Wosa bos lenwys a voes, i a skavhas an gorhel, ow tewlel an gwaneth yn-mes y'n mor.