Ekklesiastes 3:19 - An Bibel Kernewek 20234 (Kernewek Kemmyn)

¹⁹ Drefenn an keth tra yw tenkys mebyon den ha tenkys bestes. Kepar ha dell verow an eyl, yndella y ferow y gila; an dhew a'n jeves an keth anall. Nyns eus gwayn dhe vebyon den war an bestes, rag bos pup-tra euveredh.

Ekklesiastes 3:19 ပူးပေါင်းရင်းမြစ်များ

2 Samuel 14:14

Yn sur ni oll a verow, kepar ha dowr skoellys war an dor, na yll bos kuntellys. Mes Duw ny gemmer bewnans dhe-ves; yn le henna ev a dhevis fordhow

Salmow 104:29

Pan gudhydh dha fas, dyegrys yns i; pan gemmerydh aga anall i a verow, ha treylya arta dh'aga doust.

Salmow 49:12

Mes ny bes den yn enor; haval yw dhe'n bestes a verow.

Salmow 49:13

Hemm yw fordh an re dalsogh; ha plegadow dh'aga henedh yw aga lavarow. Sela.

Salmow 49:20

Mes den yn y vueredh ny gonvedh; haval yw dhe'n bestes a verow.

Ekklesiastes 1:14

My re welas pup-tra yw gwrys yn-dann an howl: hag otta, yth yw oll hemma euveredh ha chasya war-lergh an gwyns.

Ekklesiastes 1:17

Ytho my a settyas ow brys dhe wodhvos furneth ha dhe gonvedhes muskokter ha follneth; ha my a wodhva hemma ynwedh dhe vos yeuni war-lergh an gwyns.

Ekklesiastes 2:14

An den fur – yma y dhewlagas yn y benn, mes an foll a gerdh yn tewlder. Byttegyns my a welas an keth tenkys dhe goedha warnedha aga dew.

Ekklesiastes 2:16

Ny vydh kov bys vykken naneyl dhe'n den fur, na dhe'n den foll, rag peub a vydh ankevys y'n dydhyow a dheu. Ass wra an den fur merwel kepar ha'n foll!

Ekklesiastes 7:2

Gwell yw mos dhe ji kynvann ages mos dhe ji kevewi; rag bos mernans an denkys a beub oll ha res yw dhe'n den bew kemmeres henna yn y golonn.

Ekklesiastes 9:12

Yn sur ny woer den y brys gwiw; kepar dell yw puskes kevys yn tebel roes, ha kepar dell yw ydhyn kevys yn maglenn, yndellma yth yw mebyon den maglennys yn termyn anfeus a goedh warnedha a-dhesempis.

Ekklesiastes 9:2

Dhe bubonan yma an keth tenkys – dhe'n den gwiryon ha dhe'n drogoberer, dhe'n den mas, dhe'n den glan ha dhe'n den avlan, dhe'n den a offer sakrifis ha dhe'n den na'n offer. An pyth a hwer dhe'n den mas a hwer ynwedh dhe'n peghador; an pyth a hwer dhe'n re a wra ti a hwer ynwedh dhe'n re a's teves own a wul ti.

Niverow 16:29

Mar merow an re ma mernans kemmyn pub den, po mar pydhons visitys gans an denkys a bub den, ena ny'm dannvonas an Arloedh.