Ekklesiastes 3:13 - An Bibel Kernewek 20234 (Kernewek Kemmyn)

¹³ pub den dhe dhybri hag eva, ha bos lowen yn oll y lavur; hemm yw ro Duw.

Ekklesiastes 3:13 ပူးပေါင်းရင်းမြစ်များ

Salmow 128:2

Rag ty a dheber frut dha lavur; gwynn dha vys, ha seweni ty a wra.

Salmow 34:12

Py den eus neb yw hwansek dhe vewnans, hag a vynn dydhyow pals rag may hwello da?

Ekklesiastes 2:24

Nyns eus travyth gwell rag den ages dybri hag eva, ha bos lowen yn y lavur. Ynwedh my re welas hemma dhe dhos dhiworth leuv Duw.

Ekklesiastes 2:3

My a hwilas y'm kolonn dhe blesya ow horf gans gwin – gidys y'm brys gans furneth – ha dhe settya dalghenn yn follneth bys pan welvydhav pandr'yw da rag mebyon den dh'y wul yn-dann nev dres an nebes dydhyow a'ga bewnans.

Ekklesiastes 6:2

Duw a re dhe wour rychys ha pythow hag enor ha ny fyll dh'y enev travyth yw hwansek dhodho, mes ny re Duw dhodho an galloes dhe dhybri a'n frut a'y lavur, mes estren a'n deber. Hemm yw euveredh ha kleves ankensi.

Ekklesiastes 8:15

Ha my a gommendyas plesour, rag nyns eus travyth gwell rag den ages dybri hag eva, ha lowenhe. Ytho plesour a wra mos ganso yn y lavur dres dydhyow a'y vewnans re ros Duw dhodho yn-dann an howl.

Ekklesiastes 9:7

Ke, deber gans plesour dha vara, ha gans kolonn lowen yv dha win rag bos dha oberennow plegadow dhe Dhuw.

Dewteronomi 12:7

hag ena hwi a dheber a-rag an Arloedh agas Duw, ha lowenhe yn pup-tra may hworrowgh agas leuv warnodho, hwi ha'gas tiogethyow, may hwrug an Arloedh dha Dhuw dha venniga dredho.

Dewteronomi 26:11

Ha ty a lowenha yn pup-tra da re ros dhis an Arloedh dha Dhuw, ha dhe'th chi, ty ha'n Levyas ha'n alyon usi yn agas mysk.