Ekklesiastes 2:23 - An Bibel Kernewek 20234 (Kernewek Kemmyn)

²³ Rag oll y dhydhyow yw poen, ha'y ober yw keudh; ha hwath yn nos ny yll y golonn powes. Hemma ynwedh yw euveredh.

Ekklesiastes 2:23 ပူးပေါင်းရင်းမြစ်များ

Jenesis 3:17

Ha dhe Adam ev a leveris, ‘Rag ty dhe goela orth lev dha wreg, ha dybri a'n wydhenn may hwrug vy gorhemmynna dhis, ow leverel, “Na wra dybri anedhi”, milliges yw an dor a'th wovis jy; dre lavur ty a wra dybri anodho oll an dydhyow a'th vewnans.

Jenesis 47:9

Hag yn-medh Yakob dhe Faro, ‘Dydhyow blydhynyow ow godrigow yw deg ha hwegh-ugens. Boghes ha drog re beu dydhyow blydhynyow ow bewnans, ha ny wrussons dos nes dhe dhydhyow blydhynyow bewnans ow thasow yn dydhyow aga godrigow i.’

Ester 6:1

Y'n nos na, ny allas an myghtern koska, hag ev a erghis kyrghes lyver an kovadhow, skrifow an dydhyow, ha lennys vons a-dherag an myghtern.

Job 14:1

‘Mab-den, genys a venyn, yw kott y dhydhyow, ha leun a anken.

Job 5:7

mes dineythys yw den dhe drobel dell wra gwryghon nija war-vann.

Salmow 127:2

Euver ragowgh hwi yw sevel a-varr, ha powes helergh, ow tybri an bara a lavuryow; rag yndella y re ev hun dh'y garadow.

Salmow 32:4

Rag dydhweyth ha nosweyth poes o dha leuv warnav; ow sugen o treylys kepar hag yn syghor hav. Sela.

Salmow 90:15

Lowenha ni herwydh an dydhyow may grevsys dhyn, ha'n blydhynyow may hwelsyn drog.

Ekklesiastes 1:13

ha my a settyas ow brys yn furneth dhe hwilas ha hwithra pup-tra re beu gwrys yn-dann nev. Beghus yw an ober re ros Duw dhe vebyon den, gans meur a daklow dhe wul.

Ekklesiastes 1:18

Rag yn palster a furneth yma meur a dhuwon, ha seul a guntell godhvos a guntell poen.

Ekklesiastes 2:11

Ha my a viras orth pup-tra re wrug ow diwleuv, ha'n lavur a wrug vy dhe oberi, hag otta, pup-tra yw euveredh ha chasya war-lergh an gwyns, ha nyns eus gwayn yn-dann an howl.

Ekklesiastes 5:12

Hweg yw hun an gweythor, mar teber ev po boghes po meur; mes palster an den rych ny as dhodho koska.

Ekklesiastes 5:17

Yn sur ev a dhybri yn tewlder pub dydh oll a'y vewnans, hag yn sorr bras ha kleves ha tristyns ev a wodhevi yn fen.

Ekklesiastes 8:16

Pan res vy ow holonn dhe wodhvos furneth ha gweles an ober re beu gwrys y'n norvys – kyn lett hemma den rag koska naneyl yn nos nag yn dydh –

Daniel 6:18

19 Ena yth eth an myghtern dh'y balys, ha tremena an nosweyth heb dybri; nyns esa didhenyow dres a-dheragdho, ha kosk a deghas dhiworto.

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.