Ekklesiastes 2:21 - An Bibel Kernewek 20234 (Kernewek Kemmyn)

²¹ Rag den a yll gul y ober gans furneth ha gans godhvos ha gans sleyghneth, byttegyns res yw dhodho ri y rann dhe dhen na oberis ragdho. Hemma ynwedh yw euveredh ha drog euthyk bras.

Ekklesiastes 2:21 ပူးပေါင်းရင်းမြစ်များ

2 Kroniklys 34:2

Ev a wrug an pyth o ewn yn golok an Arloedh, hag a gerdhas yn fordhow Davydh y das; ny dreylyas dhe denewen naneyl dhe'n dyghow na dhe'n kledh.

2 Kroniklys 35:18

Nevra ny via solempnys pask haval dhodho a-dhia dhydhyow an profoes Samuel; ny solempensa pask haval dhodho myghtern vytholl a Ysrael dell veu solempnys gans Yosia, gans an oferysi ha gans an Levysi, gans oll Ysrael esa ena, ha gans trigoryon Yerusalem.

Salmow 39:7

‘Ha lemmyn, A Arloedh, pyth yw ow govenek? Ynnos jy yma ow fydhyans.

Salmow 49:10

Rag ev a wel tus skiansek dhe verwel, ha'n den anfur ha'n talsogh keffrys a dhe goll, ha gasa aga fythow dhe dus erell.

Salmow 49:11

Aga bedh yw aga chi bynitha, ha'ga annedhow a unn henedh dhe'n nessa; i a elow aga thiryow herwydh aga henwyn aga honan.

Ekklesiastes 2:20

Ena my a dreylyas hag a asas ow holonn dhe goedha yn desper a-dro dhe'm lavur a wrug vy dhe oberi yn-dann an howl.

Ekklesiastes 4:4

Ha my a welas oll an trobel hag oll an sleyghneth yn lavur ow tos dhiworth avi den erbynn y gentrevek. Hemma ynwedh yw euveredh ha chasya war-lergh an gwyns.

Ekklesiastes 4:8

yma nebonan heb koweth, ny'n jeves naneyl mab na broder, ha nyns eus diwedh dhe oll y lavur, ha nyns yw y lagas gwalghys gans rychys. Ev a gyn, ‘Rag piw yth esov vy owth oberi, ha plesour ow fyllel dhe'm enev?’ Hemma ynwedh yw euveredh ha lavur beghus.

Ekklesiastes 9:18

Gwell yw furneth ages arvow kas; mes unn peghador a yll distrui meur a dhader.

Yeremia 22:15

A wre'ta reynya drefenn ty dhe dhrehevel gans keder moy es dell wra tus erell? A ny wrug dha das dybri hag eva, ha gul gwirvreus hag ewnder? Ena yth o da ganso.

Yeremia 22:17

Mes nyns yw dha dhewlagas ha'th kolonn marnas rag gwayn anewn, ha rag skoellya goes gwiryon, ha rag gul arwask ha freudh.