Ekklesiastes 2:17 - An Bibel Kernewek 20234 (Kernewek Kemmyn)

¹⁷ Ytho my a gasas bewnans, rag poenvos dhymm yw pup-tra yw gwrys omma yn-dann an howl, drefenn bos pup-tra euveredh ha chasya war-lergh an gwyns.

Ekklesiastes 2:17 ပူးပေါင်းရင်းမြစ်များ

1 Myghternedh 19:4

Mes ev y honan eth y'n gwylvos, vyaj unn jydh, ha dos hag esedha yn-dann brenn banadhel. Ev a bysis may farwa: ‘Lowr yw; lemmyn, A Arloedh, kemmer ow bewnans, rag nyns ov gwell ages ow thasow.’

Job 14:13

Unnweyth a kwrelles ow kudha yn ifarn, ow heles erna vo dha sorr tremenys, apoyntya termyn ragov ha perthi kov ahanav!

Salmow 89:47

Porth kov, A Arloedh, ass yw kott ow bewnans; a formsys oll mebyon den yn euver?

Ekklesiastes 1:14

My re welas pup-tra yw gwrys yn-dann an howl: hag otta, yth yw oll hemma euveredh ha chasya war-lergh an gwyns.

Ekklesiastes 1:17

Ytho my a settyas ow brys dhe wodhvos furneth ha dhe gonvedhes muskokter ha follneth; ha my a wodhva hemma ynwedh dhe vos yeuni war-lergh an gwyns.

Ekklesiastes 2:11

Ha my a viras orth pup-tra re wrug ow diwleuv, ha'n lavur a wrug vy dhe oberi, hag otta, pup-tra yw euveredh ha chasya war-lergh an gwyns, ha nyns eus gwayn yn-dann an howl.

Ekklesiastes 2:22

Pandr'a gyv den dhiworth oll y lavur ha dhiworth oll yeunadow y golonn a wra ev dhe oberi yn-dann an howl?

Ekklesiastes 3:16

My a welas neppyth ken yn-dann an howl. Yn le gwirvreus yth esa sherewneth, hag yn le ewnder yth esa kammhynseth.

Ekklesiastes 4:2

Ytho my a wormolas an re varow neb yw gyllys seulabrys dhe ankow moy ages an re neb yw hwath yn few.

Ekklesiastes 4:3

Mes gwell ages an dhew ma yw neb na veu genys hwath, drefenn na wrug ev gweles an drogober yw gwrys yn-dann an howl.

Ekklesiastes 6:9

Gwell yw bos lowen gans an taklow a yll gweles an dhewlagas, ages an golonn dhe hwansa moy. An hireth ma yw euveredh ha chasya war-lergh an gwyns.

Ezekiel 3:14

Ena an spyrys a'm drehevis hag a'm kemmeras, ha gyllys veuv yn hwerowder, yn sorr ow spyrys, ha leuv an Arloedh o krev warnav.

Yona 4:3

Ytho lemmyn, A Arloedh, kemmer ow bewnans dhiworthiv, my a'th pys, rag gwell dhymm yw mernans es bewnans.’

Yona 4:8

Ha pan dhrehevis an howl, Duw a dhannvonas gwyns toemm dhiworth an howldrevel, ha'n howl a weskis war benn Yona, may klamderas. Hag ev a bysis may farwa, ow leverel, ‘Gwell dhymm yw merwel es bewa.’

Habakkuk 1:3

Prag y tiskwedhydh dhymm droktra, ha gul dhymm mires orth ahwer? Rag yma terroes ha freudh a-dheragov; yma strif, ha kedrynna a sev.

Niverow 11:15

Mar mynnydh dyghtya genev yndellma, ladh vy distowgh, mar kevis gras y'th wolok, ma na welliv ow anfeus.’