Ekklesiastes 2:16 - An Bibel Kernewek 20234 (Kernewek Kemmyn)

¹⁶ Ny vydh kov bys vykken naneyl dhe'n den fur, na dhe'n den foll, rag peub a vydh ankevys y'n dydhyow a dheu. Ass wra an den fur merwel kepar ha'n foll!

Ekklesiastes 2:16 ပူးပေါင်းရင်းမြစ်များ

2 Samuel 3:33

Ena an myghtern a gynis war Abner, ha leverel, ‘A goedh Abner merwel kepar dell verow den foll?

Salmow 103:16

an gwyns a dremen dresti, ha gyllys yw, ha ny aswonnir hy thyller byth moy.

Salmow 49:10

Rag ev a wel tus skiansek dhe verwel, ha'n den anfur ha'n talsogh keffrys a dhe goll, ha gasa aga fythow dhe dus erell.

Salmow 88:12

A vydh dha varthusyon aswonnys y'n tewolgow, ha'th ewnder yn tir ankov?

Eksodus 1:6

Ha Yosep a verwis, ha'y vreder oll, hag oll an henedh na,

Eksodus 1:8

Hag y sevis war Ejyp myghtern nowydh na aswonnsa Yosep,

Lavarow Koth 14:8

Furneth den doeth yw dissernya y fordh, mes follneth fellyon yw toell.

Ekklesiastes 1:11

Nyns eus kov a'n taklow usi passyes; na ny vydh a'n taklow hwath dhe dhos, ny vydhons i kovhes gans an re a dheu a-wosa.

Ekklesiastes 2:14

An den fur – yma y dhewlagas yn y benn, mes an foll a gerdh yn tewlder. Byttegyns my a welas an keth tenkys dhe goedha warnedha aga dew.

Ekklesiastes 2:15

Ytho my a leveris y'm kolonn, ‘An pyth a hwyrvydh dhe'n foll, an keth henna a hwyrvydh dhymmo vy. Dhe bana borpos ytho y teuth vy ha bos mar fur?’ Hag y'm kolonn my a leveris, ‘Hemma ynwedh yw euveredh.’

Ekklesiastes 6:8

Ytho pandr'a gyv an den fur moy es an den foll? Ha pandr'a gyv an boghosek dre wodhvos bewa?

Ekklesiastes 7:2

Gwell yw mos dhe ji kynvann ages mos dhe ji kevewi; rag bos mernans an denkys a beub oll ha res yw dhe'n den bew kemmeres henna yn y golonn.

Ekklesiastes 8:10

Hag ena my a welas debeles ynkleudhys neb a wre dos y'n tyller sans ha mos yn-mes anodho, ha gormelys vons y'n sita may hwrussons yndella. Hemma ynwedh yw euveredh.

Ekklesiastes 9:15

Ha trigys y'n sita na o gour boghosek mes fur, re wrug delivra an sita der y furneth, mes denvyth ny borthas kov a'n gour boghosek na.

Ekklesiastes 9:5

Rag an re vew a woer i dhe verwel, mes ny woer an re varow travyth; nyns eus pewas moy dhedha, ha kellys vydh hwath an kov anedha.

Malaki 3:16

Ena an re a berthi own a'n Arloedh a geskewsi an eyl gans y gila, ha'n Arloedh a woslowas ha klewes. Lyver kovadh a veu skrifys a-ragdho a-dro dhe'n re a berthi own a Arloedh ha prederi a'y Hanow.

Ebrowyon 9:27

Ha poran dell yw ordenys dhe dus merwel unnweyth, ha wosa henna breus,